Маҥнайгы кылааска киирии иккис түһүмэҕэ

Оскуолаҕа киирии бастакы түһүмэҕэ бэс ыйын 30 күнүгэр түмүктэннэ. Бу түһүмэххэ Дьокуускай оскуолалара прописканан киирэр уонна араас чэпчэтиилэринэн туһанар бырааптаах оҕолор төрөппүттэриттэн сайаапкалары ыллылар. Бастакы түһүмэх түмүгүнэн кэлэр үөрэх дьылыгар 4300 кырачаан маҥнайгы кылааска үөрэнэ киирэр миэстэлэннэ.

Маҥнайгы кылааска суруттарыы иккис түһүмэҕэ от ыйын 6 күнүттэн балаҕан ыйын 5 күнүгэр диэри буолар.

Дьокуускай куорат Үөрэххэ управлениета иһитиннэрбитинэн, билиҥҥи туругунан, Дьокуускай оскуолаларыгар майнайгы кылааска ортотунан 1000 кэриҥэ миэстэ баар. Ол курдук, 1 №-дээх, 3 №-дээх, 5 №-дээх, 6 №-дээх, 7 №-дээх, 9 №-дээх, 10 №-дээх, 13 №-дээх, 15 №-дээх, 16 №-дээх, 18 №-дээх, 19 №-дээх, 20 №-дээх, 21 №-дээх, 24 №-дээх, 25 №-дээх, 26 №-дээх, 27 №-дээх, 29 №-дээх, 30 №-дээх, 31 №-дээх, 32 №-дээх, 33 №-дээх, 35 №-дээх, 38 №-дээх, 2 №-дээх оскуолаларга, Саха гимназияҕа, Саха-корейскай оскуолаҕа, Н.А. Алексеева Техническэй лицейигэр миэстэлэр бааллар.

Куорат кытыы нэһилиэктэригэр миэстэлэр бааллар: 1 №-дээх Марха орто оскуолатыгар, Кангалаас, Табаҕа, Тулагы, Хатас, Маҕан орто оскуолаларыгар. Маны тэҥэ миэстэлэр Дьокуускай кэккэ коррекционнай оскуолаларыгар бааллар.

Сайабылыанньаны онлайн Госуслуги портал нөҥүө эбэтэр оскуолаҕа тиийэн биэриэххэ сөп:

! Иккис түһүмэх быраабылата:

• Сайабылыанньаны ким суруйарый: төрөппүттэр, оскуола территориятыгар хапсар прописката да суох буоллахтарына.

• Сүрүн усулуобуйа: талар оскуолаҕытыгар миэстэ баар буолуохтаах.

• Оскуолаҕа ылыы: ким эрдэ сайаапкатын ыыппытынан.

• Чэпчэтиилэр, бастакы уочарат ылыллар быраап, прописка бу түһүмэххэ оруолу оонньооботтор.

Докумуоннары туттарыы:

• Госуслуги портал нөҥүө.
• Оскуолаҕа бэйэҕит тиийэҕит.

Коррекционнай оскуолаларга сайаапкалары Госуслуги эрэ нөҥүө ылаллар. Тус бэйэҕитинэн тиийэн докумуоннары туттарар кыаххыт суох (1. МОКУ Специальная (коррекционная) общеобразовательная школа №4 (ул. Якова Потапова, 4 А). 2. МОКУ Специальная (коррекционная) ООШ №22 (VII вида) (ул. Рыдзинского, д. 5). 3. МОКУ Адаптированная школа-интернат №28 (Якутская, д. 37). 4. МОКУ Адаптивный образовательный комплекс (Шоссе отдыха 10 км).

Коррекционнай оскуолаларга сайабылыанньалары от ыйын 6 күнүгэр 9:00 чаастан ылан саҕалыыллар. Оскуолаҕа ылыы ПМПК түмүгүнэн буолар, ким бастаан сайаапка ыыппытынан быһаарыы ылыллар.