Маҥнайгы кылааска 600-тэн тахса миэстэ баар

Оскуолаҕа киирии бастакы түһүмэҕэ бэс ыйын 30 күнүгэр түмүктэммитэ. Бу түһүмэххэ сайаапкалары прописканан киирэр уонна араас чэпчэтиилэринэн туһанар бырааптаах оҕолор төрөппүттэриттэн ылбыттара. Бастакы түһүмэх түмүгүнэн кэлэр үөрэх дьылыгар 4300 кырачаан маҥнайгы кылааска үөрэнэ киирэр миэстэлэммитэ.

Бүгүҥҥү туругунан бары оскуолаларга 700 кэриҥэ миэстэ баар. Ол иһигэр саамай элбэх – 87 миэстэ – Залог оройуонугар турар 3 №-дээх оскуолаҕа баар. Куорат киинигэр турар Е.Ю. Келле-Пелле аатынан 26 №-дээх оскуолаҕа 53 миэстэ аһаҕас. 202-с түөлбэҕэ баар Л.А. Колосова аатынан 33 №-дээх оскуола 41 миэстэлээх.

Дьокуускай куорат Үөрэххэ управлениета от ыйын 10 күнүнээҕи туругунан ханнык оскуолаларга маҥнайгы кылааска миэстэ баарын иһитиннэрдэ:

3 №-дээх оскуола – 87 миэстэ;

7 №-дээх оскуола – 12 миэстэ;

М.И. Кершенгольц аатынан 9 №-дээх оскуола – 18 миэстэ;

Д.Г. Новопашин аатынан 10 №-дээх оскуола – 16 миэстэ (+ 6 миэстэ коррекционнай кылааска);

13 №-дээх оскуола – 44 миэстэ;

Б.А. Горбатюк аатынан 15 №-дээх оскуола – 5 миэстэ;

С.Г. Черных аатынан 16 №-дээх оскуола – 2 миэстэ;

Сэбиэскэй Сойуус Дьоруойа В.Д. Лонгинов аатынан 18 №-дээх оскуола – 32 миэстэ;

Д.И. Ягодкин аатынан 19 №-дээх оскуола – 26 миэстэ + (+ 12 миэстэ коррекционнай кылааска);

Сэбиэскэй Сойуус Дьоруойа Ф.К. Попов аатынан 20 №-дээх оскуола – 30 миэстэ + (+ 10 миэстэ коррекционнай кылааска);

21 №-дээх оскуола – 6 миэстэ коррекционнай кылааска;

С.И. Климов аатынан 24 №-дээх оскуола – 2 миэстэ;

25 №-дээх оскуола – 34 миэстэ;

Е.Ю. Келле – Пелле аатынан  26 №-дээх оскуола – 53 миэстэ;

27 №-дээх оскуола – 25 миэстэ;

В.И. Кузьмин аатынан 30 №-дээх оскуола – 30 миэстэ;

32 №-дээх оскуола – 31 миэстэ;

Л. А. Колосова аатынан 33 №-дээх оскуола – 41 миэстэ;

38 №-дээх оскуола – 11 миэстэ;

Марха 1 №-дээх оскуолата – 18 миэстэ;

П.С. Хромов аатынан Кангалаас оскуолата – 18 миэстэ;

Табаҕа оскуолата – 10 миэстэ;

П.И. Кочнев аатынан Тулагы оскуолата – 37 миэстэ;

П.Н. уонна Н.Е. Самсоновтар ааттарынан Хатас оскуолата – 33 миэстэ;

Маҕан оскуолата – 6 миэстэ.

 

Сайабылыанньаны онлайн Госуслуги портал нөҥүө эбэтэр оскуолаҕа тиийэн биэриэххэ сөп:

 

! Иккис түһүмэх быраабылата:

• Сайабылыанньаны ким суруйарый: төрөппүттэр, оскуола территориятыгар хапсар прописката да суох буоллахтарына.

• Сүрүн усулуобуйа: талар оскуолаҕытыгар миэстэ баар буолуохтаах.

• Оскуолаҕа ылыы: ким эрдэ сайаапкатын ыыппытынан.

• Чэпчэтиилэр, бастакы уочарат ылыллар быраап, прописка бу түһүмэххэ оруолу оонньооботтор.

Докумуоннары туттарыы:

• Госуслуги портал нөҥүө.
• Оскуолаҕа бэйэҕит тиийэҕит.

Коррекционнай оскуолаларга сайаапкалары Госуслуги эрэ нөҥүө ылаллар. Тус бэйэҕитинэн тиийэн докумуоннары туттарар кыаххыт суох (1. МОКУ Специальная (коррекционная) общеобразовательная школа №4 (Яков Потапов, 4 А). 2. МОКУ Специальная (коррекционная) ООШ №22 (VII вида) (Рыдзинскай, 5). 3. МОКУ Адаптированная школа-интернат №28 (Якутская, 37). 4. МОКУ Адаптивный образовательный комплекс (Шоссе отдыха, 10 км).

Коррекционнай оскуолаларга сайабылыанньалары от ыйын 6 күнүгэр 09:00 чаастан ылан саҕалыыллар. Оскуолаҕа ылыы ПМПК түмүгүнэн буолар, ким бастаан сайаапка ыыппытынан быһаарыы ылыллар.