Маҕаҥҥа байыаннай-спортивнай турнирга күрэхтэстилэр

Ааспыт субуотаҕа Маҕан сэлиэнньэтин Хомустаах күөлүгэр үгэс быһыытынан ыытыллар "Наследники Победы"  уокуруктааҕы байыаннай-спортивнай тэрээһин буолан ааста.   
Бу тэрээһин Аҕа дойду Улуу сэриитигэр Кыайыы 80 сылыгар ананна. 
Турнирга "Взлет" олохтоох хамаанданы таһынан  Марха, Кангалассы, Тулагы түөлбэтиттэн уонна 13, 24, 34-с нүөмэрдээх оскуолалар — барыта 7 оскуола хамаандата кытынна. 
Тэрээһини үөрүүлээхтик арыйыыга Ильмень күөл дьоруойдарын сырдатар театрилозованнай туруорууну көрдөрдүлэр, Кыайыы Знамятын туруордулар. Тэрээһин кэмигэр кыттааччыларга анаан полевой куукуна үлэлээтэ.
Күрэхтэһии АК 74-дү ыһыы-таҥыы, гранатаны быраҕыы, бааһырбыты эвакуациялыыр тактикалаах медицина, туннель-лаз, пневматическай саанан олорон уонна туран эрэ ытыы курдук 5 түһүмэҕинэн, сааһынан 3 бөлөххө араарыллан, ыытылынна.
Турнир түмүгүнэн кыра саастаах бөлөххө (10-11 саастаахтар) кыайыыны Тулагы орто оскуолата ситистэ. Кангалассы хамаандата иккис буолла. Үһүс бириистээх миэстэҕэ Марха 1-кы нүөмэрдээх оскуолатын хамаандата тигистэ. 
Орто саастаахтарга (12-13 саастаахтар) 1 м. — Кангалассы, 2-с м. — Маҕан, 3-с м. — 13-с нүөмэрдээх оскуола.
Улахан бөлөххө (14-15 саастаахтар) Тулагы орто оскуолатын хамаандата кыайыылаах таҕыста, 2-с миэстэни Мархат 1-кы нүөмэрдээх оскуолата ылла. Маҕан орто оскуолатын иккис хамаандата 3-с миэстэ буолла.
Кыайыылаахтары таһынан түһүмэхтэринэн бастыҥнар быһаарыллан, кинилэргэ анал ааттары туттардылар.
Турнир кылаабынай судьуйатынан анал байыаннай дьайыы кыттыылааҕа, прапорщик Игорь Филиппов үлэлээтэ.
Маҕан орто оскуолата тэрээһин кыттыылаахтарыгар, Улуу Кыайыыга анаммыт турниры үрдүк таһымнаахтык ыытарга көмөлөспүт дьоҥҥо, тэрилтэлэргэ махтанарын биллэрэр.

 Хаартыска Дьокуускайдааҕы үөрэҕирии управлениетын телеграм-каналыттан