Мөлүйүөҥҥэ диэри ыстараап уонна олохтон матар куттал

Көҥүлэ суох муус устун айаннааһын иһин 1 мөл. солк. диэри ыстараап күүтэр диэн эрэгийиэн тырааныспарын министиэристибэтэ сэрэтэр. Билигин Усть-Куйга – Хаһааччыйа – Кириэстээх эрэ кыһыҥҥы суол үлэлиир. Муус устар 30 күнүттэн онно көҥүллэнэр таһаҕас тиэйиитэ 20 туоннаҕа диэри кыччыаҕа, ыам ыйын 5 күнүттэн – 10 туоннаҕа диэри, оттон ыам ыйын 10 күнүттэн сырыы бүтүннүү тохтуоҕа.

Бобуулаах туорааһыннарга ханнык баҕарар тиэхиньикэ айана олоххо уонна доруобуйаҕа дьиҥнээх кутталы үөскэтэр. Тиэхиньикэ муус анныгар түстэҕинэ, өрөмүөн бары ороскуотун хаһаайын уйунар. Көҥүлэ суох киирии иһин ыстарааптар: биирдиилээн дьоҥҥо – 3 000-тан 5 000 солк. диэри; дуоһунастаах сирэйдэргэ – 20 000-тан 50 000 солк. диэри; юридическэй сирэйдэргэ – 100 000-тан 1 мөл. солк. диэри.