Литература-муусука бэстибээлэ Кыайыы 80 сылыгар ананна

"Театральная весна" быйыл 28-с төгүлүн ыытыллар литература-муусука бэстибээлэ Кыайыы 80 сылыгар ананан, "Победой гордостью полны..." девизтээх ыытылынна. 
Бэстибээл бочуоттаах ыалдьытынан тыыл, педагогическай үлэ бэтэрээнэ, бу бэстибээл маҥнай ыытыллар кэмнэригэр ыкса үлэлэспит оруоллаах Галина Борисовна Сюндюкова буолла.
Дьүүллүүр сүбэ бэрэссэдээтэлинэн П.А. Ойуунускай аатынан Саха тыйаатырын артыыһа Ирина Михайлова үлэлээтэ.
Бэстибээлгэ Дьокуускай куорат уонна куорат кытыытынааҕы бөһүөлэктэр оскуолаларын тыйаатыр кэлэктииптэрэ – 18 үөрэх тэрилтэтэ – театральнай туруорууларынан кытыннылар.
Тэрийэр кэмитиэт А.Г. уонна Н.К. Чиряевтар ааттарынан Дьокуускай куораттааҕы национальнай гимназия кэлэктиибигэр, дьүүллүүр сүбэ бэрэссэдээтэлин солбуйааччы В.И. Илларионовка бу үгэскэ кубулуйбут бэстибээли ыытарга сөптөөх усулуобуйаны бэлэмнээбиттэригэр барҕа махталларын этэллэр.

 Уокуруктааҕы дьаһалта үөрэҕириигэ управлениетын матырыйаалларынан