Лифтэрбит эмиэ туһунан «олохтоохтор», кытаанах быраабыла киирэр буолбут

Ону тэҥэ, балаҕан ыйыттан саҕалаан, лифтэри көрүүгэ-истиигэ типовой дуогабар уонна биир кэлим ороскуоту ааҕыы пуормулата киириэҕэ, маны Арассыыйа тутууга министиэристибэтэ бигэргэтиэҕэ.

Балаҕан ыйын 1 күнүттэн салайар хампаанньалар, ТСЖ-лар, дьиэ-уот кээпэрэтииптэрэ Ростехнадзор реестригэр киирбит тэрилтэлэри эрэ кытта лифтэри көрөр-истэр уонна өрөмүөннүүр дуогабар түһэрсэр кыахтаныахтара. Дуогабары бырабыыталыстыба бигэргэппит стандартнай пуорматынан оҥоруохха наада буолуо. Тэхиньиичэскэй көрүү дуогабара уонна өрөмүөн дуогабара икки тус-туспа докумуон буолалларын чуолкайдыыллар. Бу чахчы олохтоохтору кытта туһунан дуогабарга эбэтэр ТСЖ устаабыгар чопчу суруллуохтаах.

Билигин салайар хампаанньалар уонна ТСЖ-лар дьиэни салайар дуогабардарын уонна устааптарын саҥа сокуоҥҥа сөп түбэһиннэриэхтээхтэр; 2026 сыл балаҕан ыйын 1 күнүттэн 90 күн иһигэр (ол аата сэтинньи бүтүүтэ) кинилэр реестртэн анал тэрилтэни кытта лифт көрүүтүн-истиитин дуогабарын түһэрсиэхтээхтэр.