Ленскэй уулусса хапытаалынай өрөмүөнэ түмүктэннэ

Киин куоракка Ленскэй уулусса Жорницкайтан Ленскэй, 18 дьиэтигэр диэри кэрчигин хапытаалынай өрөмүөнэ түмүктэннэ.
«Олох инфраструктурата» нацбырайыагынан ыытыллыбыт үлэ бэдэрээтчитинэн «Сэттэ» ДРСУ буолбута. Бэдэрээтчит күүһүнэн манна суол таҥаһа, аспаал, уу сүүрдэр халдьалар, тротуар барыта саҥардылыннылар, көҕөрдүү үлэтин ыытарга газон тэрилиннэ, банаардар уонна сатыы дьоҥҥо аналлаах светофор туруорулуннулар. Хаптылаанай өрөмүөн ыытыллыбыт учаастага олорор дьиэлэри хабар буолан, нэһилиэнньэҕэ, ол иһигэр оҕо аймахха табыгастаах эйгэ тэрилиннэ.
Муниципальнай сакаасчыт – «Главстрой» МХТ.
Санатар буоллахха, дойду баһылыга Владимир Путин көҕүлээбит «Олох инфраструктурата» национальнай бырайыагын чэрчитинэн 2025 с. Дьокуускай куорат уулусса суолларын ситимигэр 10 өрөмүөн үлэтэ түмүктэнэн эрэр – 8 тутаах уонна 2 резервнэй. Холбоон барыта 15,7 км усталаах суол, диэн Олохтоох дьаһалта пресс-сулууспата иһитиннэрэр.
Жорницкай аатынан уулуссаттан Ленская уул., 18 дьиэтигэр диэри учаастакка хапытаалынай өрөмүөн суумата 22 764 764,38 солк. диэн Олохтоох дьаһалта пресс-сулууспатын иһитиннэриитигэр сигэнэн суруйан турабыт.