Ленин болуоссатын аҥаара Өрөспүүбүлүкэ болуоссата диэн ааттанна

Олунньу 26 күнүгэр буолан ааспыт Куорат дууматын уочараттаах XIV-с сессията куорат баһылыгын отчуотун таһынан уопсайа 11 боппуруоһу көрдө.
Олортон биир сүрүнүнэн Ленин болуоссатын саҥардыллыбыт өттүн Өрөспүүбүлүкэ болуоссата диэн ааттыыр туһунан боппуруос буолла.
Куорат кылаабынай архитектора Семен Сергеев Ленин болуоссатын биир өттүгэр «Өрөспүүбүлүкэ болуоссата» диэн ааттыырга ирдэнэр процедура барыта оҥоһуллубутун, нэһилиэнпньэҕэ дьүүллэһии тэриллибитин бэлиэтээтэ. Дьокуутааттар баһыйар куоластарынан Ленин болуоссатын саҥардыллыбыт өттүгэр куоракка саҥа болуоссат баар буолла – Өрөспүүбүлүкэ болуоссата. Бу быһаарыыны   КПРФ аатыттан дьокутаат Александр Яковлев төрдүттэн утарарын биллэрдэ.
Эмиэ бу боппуруоһунан Промышленнай уокурук Бабушкин аатынан уулуссата Очиченко уулуссатыгар диэри уһатыллан биэрдэ, диэн иһитинэрэр Олохтоох дьаһалта пресс-сулууспата.

Ойуу: Ил Дархан иһинэн архитектураҕа уонна куораты тутууга управление