Үлэнэн хааччыйааччыларга: туһааннаах араҥаҕа киирэр гражданнары наймылаһыыны субсидиялааһын туһунан

Үлэҕэ ылыыны субсидиялааһын федеральнай бырагыраамата 2021 сылтан үлэ ырыынагын чөлүгэр түһэриигэ биир кэккэ дьаһал быһыытынан олоххо киллэриллэн турар.
"Дьарыктаах буолууга көмөлөһөр көхтөөх миэрэлэр" федеральнай тосхол чэрчитинэн үлэлээн саҕалаабыт "Каадырдар" национальнай бырайыагынан тустаах араҥаҕа киирсэр гражданнары үлэҕэ ылыыны көҕүлүүр тэрээһин үлэтэ саҕаланна. Ол туһунан СӨ  нэһилиэнньэ дьарыктаах буолуутун судаарыстыбаннай кэмитиэтэ иһитиннэрэр.

Ол курдук, тосхол иитинэн үлэҕэ ылааччы бу тустаах араҥаҕа киирсэр гражданнары үлэҕэ наймыластаҕына,  хамнаска ыытар ороскуота, хамнас алын кээмэйинэн, оройуон кээписиэнигэр үрдэтэн, страховой төлөбүрүн киллэрэн туран, үлэһиттэр ахсааннарынан көрөн сорҕото толуйуллар кыахтанар.
Бу субсидияны (бүддьүөт) тэрилтэтиттэн ураты юридическай сирэйдэр: кэммиэрчэскэйэ суох тэрилтэлэр, урбаанньыттар туһаныахтарын сөп. 
 Бу бырайыагынан үлэҕэ ылыыга хабыллар категориялаах гражданнар: 
1) СВО-ҕа бойобуой дьайыыга кыттыбыт, сулууспалаан бүппүт бэтэрээннэр. 
2) 2014 с. ыам ыйын 11 күнүттэн саҕалаан ДНӨ, ЛНӨ аһаҕас былаастарын уорганнарын быһаарыыларынан, ДНӨ сэбилэниилээх күүстэрин, ЛНӨ норуодунай милииссийэтин, байыаннай уорганнарын кэккэтигэр киирэн бойобуой дьайыыга кыттыбыттар. 
3) анал байыаннай эпэрээссийэҕэ (бойобуой дьайыыларга) сорудаҕы толоро сылдьан олохтон туораабыт дьон, ону сэргэ байыаннай сулууспаттан  босхолонон баран байыаннай дьайыыга сылдьан оһоллонууттан (бааһырыыттан, эчэйиититтэн, контузияланыыттан) суох буолбуттар дьиэ кэргэттэрэ. 
4) Инбэлииттэр.
5) Байыаннай сулууспаттан босхоломмут гражданнар уонна кинилэр дьиэ кэргэттэрэ.
6) Көҥүлү сарбыйыы тэрилтэлэриттэн буруйдарын боруостаан босхоломмут дьон, көҥүлгэ тахсыахтарыттан биир сыл устата түмүгэ суох үлэ көрдөөбүт буоллахтарына.
7) Сокуоннай сааһын туола илик уонна доруобуйатынан хааччахтаах оҕону иитэр аҥаардас уонна элбэх оҕолоох төрөппүттэр, оҕону иитэ ылбыттар, эпиэкэлээччилэр (попечителлэр).
 Субсидия төлөнөр кээмэйэ уонна болдьоҕо: 
     - 3 МРОТ оройуоннааҕы кээписиэни уонна страховой усунуоһу учуоттаан туран (инбэлиитэ суох гражданнары үлэҕэ ылыы субсидията);
     - 6 МРОТ оройуоннааҕы кээписиэни уонна страховой усунуоһу учуоттаан туран (үлэҕэ киирээччи бэйэтэ эбэтэр Арассыыйа инбэлииттэргэ уопсастыбаннай тэрилтэтиттэн учередителлээх инбэлиити үлэҕэ ылыыга субсидия).
Төлөбүр үлэҕэ гражданин ылыллыбыт 1-кы , 3-с, 6-с ыйдарыгар оҥоһуллар.

 Үлэнэн хааччыйааччыга субсидия ананарыгар наада: 

1) Дьарыктаах буолуу уонна "Работа в России"  үлэ сыһыаннаһыыларын эйгэтин биир кэлим цифровой платформатын нөҥүө https://trudvsem.ru сайка, судаарыстыбаннай өйөбүл бырагырааматыгар кыттары бэлиэтээн туран, үлэһиттэри көрдүүргэ сайабылыанньа ыытар. 
2) гражданины үлэҕэ ылбыт кэннэ 1 ый аастаҕына Социальнай страховкалааһын пуондатыгар («Соцстрах» ЕИС-кэ личнэй кэбиниэттэн) сайабылыанньа ыытар.

РФ биэнсийэҕэ уонна социальнай страховкалааһыҥна пуондатын Саха сиринээҕи салаатын реестригэр киллэрэргэ сайабылыанньа ылыллыбытын кэннэ бэрэбиэркэлиир, идентификациялыыр үлэ барар, ол кэннэ үлэ биэрээччи субсидия ылааччылар реестрдэригэр киллэриллэр.  

Болҕойуҥ! Үлэ биэрээччи субсидия ылар реестргэ киллэриллэригэр, үлэҕэ киирээччи ыйыллыбатах болдьоххо, толору үлэ чааһыгар хамнаһа федеральнай сокуонунан  хамнас алын икки кээмэйиттэн кырата суох төлөнөрүгэр үлэ дуогабара түһэрсиллибит буолуохтаах. 

Үлэҕэ ылааччылары өйүүр субсидия боппуруостарынан Нэһилиэнньэ дьарыктаах буолуутун кииниттэн чопчулаһыахха сөп.