Лечо астыыбыт

Лечо

Эһиэхэ наада:

4 кг помидор;

3 кг минньигэс биэрэс;

2 өлүүскэ чеснок;

0,5 л уксуус;

1 ыст. саахар;

1 ыст. мас арыыта;

2 ост. нь. туус.

Помидору үчүгэйдик сууйуллар уонна итии уунан саба кутуллар. Оччоҕуна сиппит помидор чэпчэкитик хаҕыланар. Ону тута мясорубкаҕа эрийиллэр. Дириҥ иһиккэ биэрэстэн ураты бары састаабын кутан 20 мүн. оргутабыт. Ол бириэмэҕэ минньигэс (болгарскай) биэрэстэри 4-6 гына туруору өлүүскэлэргэ араарабыт. Оргуйбут пюрены биэрэскэ саба кутабыт уонна сойо түспүтүн кэннэ иккистээн чаас аҥаарын кэриҥэ оргутабыт.

Ристээх лечо

Эһиэхэ наада:

1 кг помидор;

1 кг минньигэс биэрэс;

1 кг эриэппэ луук;

1 кг моркуоп;

2 улахан кабачок;

1 ыст. саахар;

туус;

киилэ аҥаара рис;

уксуус;

мас арыыта;

чеснок;

уу.

Ууга соломолуу кырбаммыт кабачоктан ураты оҕуруот аһын барытын кутабыт. Онтон моркуобу уонна луугу мас арыытыгар ыһаарылыыбыт. Кабачокпутун кубиктыы кырбыыбыт. Барытын бииргэ холбоон баран, оргуйа турар оҕуруот аһыгар кутабыт уонна ыстакаан риспитин кутабыт. Туустаан, саахарын кутан баран өссө 15 мүн. буһарабыт. Уксууспутун арахсыан 10 мүн. иннинэ кутабыт. Уопсайынан, лечону уһуннук буһарар соччото суох, ол иһин 20-чэ мүнүүтэ сөп буолар. Кэлин, бааҥкаҕа кутуллубутун кэннэ, бэйэтин суогугар буһар.

«Тещин язык».1

Дьон үксэ бу ас ырысыабын билэллэр, ол эрээри хас биирдии киһи кистэлэҥэ араас буолар. Макароҥҥа, эт эбэтэр балык аһылыкка сүрдээх тотоойу эбии аһылык.

Эһиэхэ наада:

2 кг кыһыл помидор;

3 кг кабачок;

700 г минньигэс биэрэс;

1,5 төбө чеснок;

2 ост. нь. туус;

130 г саахар;

140 мл мас арыыта;

1,5 ост. нь. 70%-наах уксуус.

Оҕуруот аһын ыраастыыбыт, сууйабыт, чеснокпутун үлтүрүтэбит. Биэрэһи, кабачогу уһун синньигэс гына кырбыыбыт. Помидорбутун мясорубкаҕа эрийтэрэбит уонна кыра уокка тууһу, саахары, арыыны, кыһыл уонна хара биэрэс туматын кутан  оргутабыт. 10 мүнүүтэнэн кабачокпутун кутабыт уонна уоппутун аччатабыт. 15 мүнүүтэнэн уксууһу эбэн биэрэбит. Салгыы өссө биэс мүнүүтэ буһаран баран, билиитэбитин арааран кэбиһэбит. Стерилизацияламмыт бааҥкаларга кутабыт, хаппаҕын сабан баран, сөрүүн сиргэ уурабыт.

«Тещин язык». 2

Эйиэхэ наада:

3 кг кабачок;

1 ыст. мас арыыта;

1 ыст. саахар;

4 өлүүскэ чеснок;

0,5 ыст. томат паастата;

1 ост. нь. туус;

2 ост. нь. уксуус.

Кабачокпутун соломолуу кырбыыбыт. Састааппытын барытын кырбаан, 30 мүн. булкуйа-булкуйа оргутабыт. Таһаарыах 10 мүнүүтэ иннинэ уксуус эбэбит уонна ыраас бааҥкаларга кутаттыыбыт.

«Байбалыына» лечо

Эйиэхэ наада:

3 кг помидор;

1 кг моркуоп;

1,5 кг минньигэс биэрэс;

1 кг эриэппэ луук;

1 ыст. Саахар;

1,5 ыст. мас арыыта;

Туус, хара мэлии биэрэс, укуруоп (ким төһө сөбүлүүрүнэн).

Барытын кырбаан, улахан иһиккэ кутан баран булкуйабыт, 30 мүн. туруорабыт, сүмэһинэ тахсыар диэри. 40 мүн. сөбүгэр соҕус уокка буһарабыт, буһан бүтүүтэ 1 ост. нь. уксуус кутабыт. Сылаастыы стерилизацияламмыт бааҥкаларга кутабыт, хаппаҕын күүскэ эрийэбит уонна умса уурабыт. Сойуор диэри таҥаһынан сабан туруорабыт.