Үлэ кэлэктииптэрин Спартакиадата саҕаланар
Быйылгы тэрээһин Саха сиригэр идэлээх сойуустар хамсааһыннарын 105 сылыгар уонна И.Е. Винокуров төрөөбүтэ 130 сылыгар ананар.
Үлэ кэлэктииптэрэ спорт 11 көрүҥэр күрэхтэһиэхтэрэ: чэпчэки атлетикаҕа, буулдьанан ытыыга, волейболга, гиирэ спордугар, баскетболга, остуол тенниһигэр, харбааһыҥҥа, канат тардыһыытыгар, мини-футболга, саахымакка, ону сэргэ спорт куттаах дьиэ кэргэттэр күрэхтэһиилэрэ буолуоҕа.
Бүгүҥҥү үөрүүлээх аһыллыыга 18 сүүмэрдэммит хамаанда сэлэлээн киириэҕэ. Көлүөнэлэр сомоҕолоһууларын уонна утумнаһыыларын бэлиэтин – Спартакиада уотун уматыы сиэрэ-туома ыытыллыаҕа.
Тэрээһини Саха сиригэр идэлээх сойуустар хамсааһыннарын 105 сылыгар уонна И.Е. Винокуров төрөөбүтэ 130 сылыгар аналлаах бырагыраама киэргэтиэҕэ.
Үөрүүлээх аһыллыы үҥкүү флешмобунан уонна оһуохайынан түмүктэниэҕэ.
17:00 чаастан тэрилтэлэр уонна үөрэх кыһаларын быыстапкалара, оонньуулар, тургутуктар, атыы-тутуу тэриллиэхтэрэ.
Киириитэ босхо.
Бэлиэтээн эттэххэ, Спартакиада күрэхтэһиилэрэ 6 сиринэн ыытыллыахтара: «Туймаада» стадиоҥҥа, «Кыайыы 50 сыла» спорт дыбарыаһыгар, «Дохсун» спорт уораҕайыгар, «Модуҥҥа», Саахымат-дуобат киинигэр, «Чолбон» бассейҥҥа.
Сонуннар
Ордук ааҕаллар
