Үлэ харыстабылын ыйын үөрүүлээхтик арыйдылар

Бүгүн Дьокуускай уокуруктааҕы дьаһалтатыгар үлэ харыстабылын ыйын үөрүүлээхтик аһыыга "Үлэ харыстабылын култууратын үрдэтии" диэн тэрээһин буолла.
Тэрээһин кыттыылаахтарын Дьокуускай куорат баһылыгын солбуйааччы Владимир Аржаков эҕэрдэлии көрүстэ.
"Бу ый чэрчитинэн үгүс тэрээһин ыытыллыа – үлэ харыстабылын туһунан билии таһымын үрдэтэргэ анаммыт сэминээрдэр, трениннэр, аахсыйалар", – диэн Владимир Владимирович ыытыллыахтаах тэрээһиннэри билиһиннэрдэ.
Дьаһалта үлэ харыстабылыгар салаатын начальнига Варвара Левочкина бу хайысхаҕа анал ый декадатын ыытыы бу салааны тупсарыыга, производственнай оһоллонууну уонна идэ үөскэтэр ыарыыларын аччатыыга туһуланарын бэлиэтээн эттэ.
Үлэ харыстабылыгар анаммыт ый сүрүн тэрээһининэн федеральнай спикердэр – Москваттан техническэй билим дуоктара, Үлэ харыстабылын национальнай ассоциациятын генеральнай дириэктэрэ Ольга Кондратьева уонна "Техноавиа" ХЭУо генеральнай дириэктэрэ Екатерина Михайлова кыттыылаах сиэссийэ буоларын санатта. "Бары үлэнэн хааччыйааччылары уонна үлэһиттэри ый устата ыытыллар тэрээһиннэргэ кэлэн кыттыҥ диэн ыҥырабыт", – диэтэ.
Ыйы үөрүүлээхтик арыйыы тэрээһинин чэрчитинэн сокуоҥҥа үлэ харыстабылыгар сыһыаннаах уларыйыылар уонна надзордуур уорганнар бэрэбиэркэлэрин, үлэ харыстабылын үлэтигэр сыыппараны туттуу, практикаҕа искусственнай өйү туһаныы тустарынан сырдаттылар.
Санатар буоллахха, үлэ харыстабылын ыйа муус устар 1-30 күннэригэр ыытыллар. Тэрээһиннэргэ кыттыы босхо. Декада чэрчитинэн ыытыллар тэрээһиннэр бырагыраамаларын Дьокуускай уокуруктааҕы дьаһалтатын сайтыгар билсиэххэ сөп.

 Уокуруктааҕы дьаһалта пресс-сулууспатын матырыйаалларынан