Үлэҕэр элэктээһин, хаадьылааһын иһин уһуллуоххун сөп

Үлэ биэрээччи үлэһитин, муус устар 1 күнүгэр күлүү-элэк оҥорбутун иһин, дьыалабыай этиканы кэһэр эбэтэр бииргэ үлэлиир дьонун үөҕэр буоллаҕына, үлэтиттэн устуон сөп. Бэрэсидьиэн академиятын Урбаан, үлэ уонна корпоративнай быраабы араҥаччылыыр кафедратын доцена Мария Кутарова бу кыһалҕалары хайдах тумнуохха сөбүн быһаарар.

“Өскөтүн “күлүү-элэк” ис быраабыланы эбэтэр дьыалабыай этиканы кэһэр, үөҕүүлээх, хампаанньа аатын-суолун алдьатар эбэтэр үлэҕэ мэһэйдиир буоллаҕына, үлэ биэрээччи дьиссипилиинэ миэрэтин ылынар бырааптаах — сэмэ эбэтэр быыгабар. Сорох түбэлтэҕэ, өссө кытаанах түмүктэр күүтэллэр, эбээһинэһи куруубайдык кэһии буоллаҕына, үлэттэн да устуохха сөп”, - диэн эксперт быһаарар.

Кини бэлиэтээбитинэн, сөбө суох “күлүүгэ-элэккэ” салайааччы аатыттан сымыйа суруктар, үлэ хаамыытын мэһэйдиир, ыһар хаадьылар эбэтэр социальнай ситимнэргэ салайааччыны эбэтэр бииргэ үлэлиир дьону күлүү гынар суруйуулар киирэллэр. Манна өссө хампаанньаны үөҕүү эбэтэр атаҕастааһын курдук ылыныллыан сөптөөх ханнык баҕарар этиилэр кыһалҕаҕа тириэрдиэхтэрин сөп.

Кутарова бэлиэтээбитинэн, күлүү-элэк этикэ нуорматын уонна сокуону кэһиэ суохтаах, ону таһынан киһини омугунан, ханнык религияны тутуһарынан, гендернэй уо.д.а. уратыларынан хаадьылыа суохтаах. 

“Ыстарааптар дьиссипилиинэ миэрэтин быһыытынан көрүллүбэттэр, оттон хамнастан тутуу чопчу быһаарыллыбыт түгэннэргэ эрэ кыаллар. Онон, күлүөххэ-көрүлүөххэ сөп, ол гынан баран туох барыта миэрэлээх – дьону тус эйгэлэрин таарыйбакка уонна үлэҕэ хоромньуну таһаарбакка”–диэн Кутарова ТАСС-какэпсэтиитигэр бэлиэтээтэ.