Үлэҕэ наадыйааччы 40% – ыччат

Сыл түмүгүнэн 1878 киһи учуоттан уһуллубут, 684 киһи үлэ миэстэтинэн хааччыллыбыт, эбии 416 оскуола оҕото сайыҥҥы кэмҥэ үлэлээбит.

Бу туһунан Куорат дууматын ыччат политикатыгар, физическэй култуураҕа уонна спорка сис кэмитиэтин мунньаҕар Дьарыктаах буолуу киинин салайааччыта Мария Слепцова иһитиннэрдэ.

СӨ нэһилиэнньэ дьарыктаах буолуутун киинин Дьокуускай куораттааҕы управлениетын аадырыһа: П. Алексеев уул., 19/3.

“Моя работа” офис быһа линията:  (4112) 508-800

Оттон SuperIob Дьокуускай куорат төрөппүттэрин ортотугар эрдэҕэс оҕолоргут бу сайын үлэлииллэр дуу диэн ыйытык ыыппыт. Ол аата чуолаан 14–17 саастаах оҕолорго сыһыаннаан ыйытык буолбут.

Онуоха ыйытыкка хапсыбыт төрөппүт түөрт гыммыт биирэ (25%) кинилэр оҕолоро үөрэх кэмигэр даҕаны онно-манна үлэлээн харчылаһалларын бэлиэтээбиттэр. Үөрэх кэнниттэн ордор кэмҥэ сакааһы түҥэтэр пууннар үлэһиттэринэн, курьерынан, араас оробуочайынан, сорохторо уопсастыбаннай ай тэрилтэлэригэр быстах кэмҥэ үлэлииллэр үһү.

Бу үлэлэрин сүрүннээн оҕолор бэйэлэрэ булаллар (42%), 20% – төрөппүттэрэ булан биэрбиттэр, 16% – доҕотторун нөҥүө булуммуттар. Үлэлээччилэр 11 % үөрэх тэрилтэтэ үлэ буларга көмөлөспүт.

Кулун тутар-муус устар ыйдарга ыытыллыбыт ыйытыкка хапсыбыт төрөппүт 29 % бу сайын оҕолоро хайаан да үлэлииргэ суоттанарын биллэрбит. Сайынын оҕолор ордук кыайа-хото курьерынан оробуочайынан, администратор көмөлөһөөччүтүнэн, общепит үлэһитинэн, лааҕырга баһаатайынан, тириэньэр көмөлөһөөччүтүнэн үлэҕэ киирэллэрин ыйытык көрдөрбүт. Бу туһунан SuperIob үлэһитэбин диэн, эрэдээксийэҕэ Юлия Моторыкина суруйар.

Хаартыска: s-vfu.ru