Лаглайбыт күөх харыйачааны туруоруу быраабылаларын тутуһуҥ

Бу күннэргэ хас биирдии ыал, тэрилтэ Саҥа дьыллааҕы харыйа туруорар, киэргэтэр буолуохтаах.

Дьокуускай куораттааҕы ыксаллаах быһыыга-майгыга уонна гражданскай оборонаҕа управление нэһилиэнньэни Саҥа дьыл бырааһынньыктарын кэмигэр баһаартан сэрэхтээх буолуу быраабылаларын тутуһарга ыҥырар:

- Улахан дьон суоҕар оҕолор бэйэлэрэ гирлянда уматаллара көҥүллэммэт;

- Бенгальскай уоту дьиэҕэ уматар бобуллар;

- Оҕолор кэбэҕэстик умайар матырыйаалтан оҥоһуу маскарааттаах харыйа таһыгар оонньууллара бобуллар;

- Харыйа иннэтэ таммалаабытын тутатына хомуйан иһиллиэхтээх – буорах курдук кыраттан да биирдэ күлүм гынар кутталлаах;

- Дьиэҕэ ким да суох кэмигэр электроприбору уоттан араарар булгуччулаах.

Уот турар, баһаар буолар түгэнигэр:

- Суһаллык «01» эрийиҥ;

- Дьону эвакуациялыыр дьаһаллары ылыныҥ;

- Электричество уотугар холбонон турар бары прибордары араарыҥ;

- Алҕаска, холобура, искусственнай харыйа умайар түгэнигэр, илиигитинэн тыытымаҥ, халыҥ таҥаһынан саба быраҕыахха сөп.

Харыйаны туруоруу быраабылалара:

- Дьиэ үрдүттэн 1 м итэҕэһэ суох намыһах буолуохтаах;

- Истиэнэттэн 1 м итэҕэһэ суох тэйиччи туруоруллар;

- Ититэр ситимтэн балайда тэйиччи туруоруллар;

- Хамсаабат, сууллубат гына туруоруллар; 

- Ааны, атын даҕаны тахсар суолу мэһэйдиэ, бүөлүө суохтаах;

- Кэбэҕэстик умайар матырыйаалынан киэргэтэр бобуллар – баата, чүмэчи, кумааҕы;

- Электрическэй гирлянда сертификаттаах буолара ирдэнэр;

- Тэрээһин ыытыллар дьиэтин түннүгэ эрэһээҥкитэ суох буолуохтаах;

- Дьиэ иһигэр чүмэчинэн туттар, хлопушка эһэр, фейерверк ытар, о.д.а. уот туруон сөптөөх тэрилинэн туһанар бобуллар.

Ытыктабыллаах куорат олохтооҕо!

• Фейервери, петарданы, салюту ытыах иннинэ, төһө да сүрэҕэлдьээбит иһин, иструкциятын болҕойон аах, сиһилии билис!

• Битиилигэр уоту таҕайыах иннинэ, оҥоһук умайар, уоттаах өттө хайа диэки буоларын чопчу билиэх кэриҥнээххин. Бэл, оонньуу-дьээбэ да кэриэтэ дьон баар сирин диэки кыҥыыр, туһаайар табыллыбат.

• Петарданы, фейервери дьиэ иһигэр, сабыылаах сиргэ буолбакка, таһырдьа, аһаҕас сиргэ ытыллыахтааҕын өйдөө.

• Фейерверк, петарда ытар сир олорор дьиэлэртэн муҥутуур чугаһаабыта 50 миэтэрэ тэйиччи буолуохтааҕын умнума.

• Петарданы оҕо дьон ытара бобуллар!

• Петарданы сабыылаах иһиккэ – бааҥкаҕа, биэдэрэҕэ, буолаары буолан бытыылкаҕа – хаһан да угуллуо суохтаах.

• Умайа турар петардаҕа 5-10 м иһинэн чугаһаабат куолу!

• Петарданы уурарга-харайарга, илдьэ барарга хайаан да анал хахха уга сылдьыллыахтаах. Үтүлүк кэриэтэ сиэпкэ уктан баран сылдьааччы кытта баар буолар. Ол сыыһа!

• Төһө да билиэх-көрүөх баҕа баһаамын иһин, петарданы арыйа, иһин чинчийэ сатыыр табыллыбат!

• Фейервери кулуһуҥҥа таҕайан уматыы кытаанахтык бобуллар!

• Ханнык баҕарар пиротехниканы үрдүгэр нөрүйэн туран көрө, умата сатыыр табыллыбат!

• Петарданы умаппыт кэннэ онтуҥ “ньим” курдук да буоллаҕына, тоҕо умайбатаҕын билээри, чугаһаан кэлэн бэрэбиэркэлии, хаттаан умата да сатаама. Олус сэрэхтээх дьаһаныы!

• Оттон дьиэ таһыгар, кыараҕас сиргэ да ытыллыбатын билиэх тустааххын.

• Быраабыла быһыытынан, фейервери икки сууккаҕа диэри кэм устата ууга туруоран эрэ баран бөх дьааһыгар угуохха сөп.