Лаглайбыт күөх харыйачааны туруоруу быраабылаларын тутуһуҥ

Бу күннэргэ хас биирдии ыал, тэрилтэ Саҥа дьыллааҕы харыйа туруорар, киэргэтэр буолуохтаах. Дьокуускай куораттааҕы ыксаллаах быһыыга-майгыга уонна гражданскай оборонаҕа управление нэһилиэнньэни Саҥа дьыл бырааһынньыктарын кэмигэр баһаартан сэрэхтээх буолуу быраабылаларын булгуччулаахтык тутуһарга ыҥырар:

* Улахан дьон суоҕар оҕолор бэйэлэрэ гирлянда уматалларын көҥүллээмэҥ;

* Бенгальскай уоту дьиэҕэ уматымаҥ;

* Оҕолор кэбэҕэстик умайар матырыйаалтан оҥоһуу маскарааттаах харыйа таһыгар оонньууллара бобуллар;

* Харыйа иннэтэ таммалаабытын тутатына хомуйан иһиҥ – буорах курдук кыраттан да биирдэ күлүм гынар кутталлаах;

* Дьиэҕэ суох кэмҥэ электроприбору уоттан араарар булгуччулаах.

Уот турар, баһаар буолар түгэнигэр:

* Суһаллык «01» эрийиҥ;

* Дьону эвакуациялыыр дьаһаллары ылыныҥ;

* Электричество уотугар холбонон турар бары прибордары араарыҥ;

* Алҕаска, холобура, искусственнай харыйа умайар түгэнигэр, илиигитинэн тыытымаҥ, халыҥ таҥаһынан саба быраҕыахха сөп.

Харыйаны туруоруу быраабылалара:

* Дьиэ үрдүттэн 1 м итэҕэһэ суох намыһах буолуохтаах;

* Истиэнэттэн 1 м итэҕэһэ суох тэйиччи туруоруллар;

* Ититэр ситимтэн балайда тэйиччи;

* Хамсаабат, сууллубат гына туруоруллар;

* Ааны, атын даҕаны тахсар суолу мэһэйдии, бүөлүү туруо суохтаах;

* Кэбэҕэстик умайар матырыйаалынан киэргэтэр бобуллар – баата, чүмэчи, кумааҕы;

* Электрическэй гирлянда сертификаттаах буолара ирдэнэр;

* Тэрээһин ыытыллар дьиэтин түннүгэ эрэһээҥкитэ суох буолуохтаах;

* Дьиэ иһигэр чүмэчинэн туттар, хлопушка эһэр, фейерверк ытар, о.д.а. уот туруон сөптөөх тэриллинэн туһанар бобуллар.

Суһал төлөпүөннэр:

Баһаарынай сулууспа – 101;

Быыһыыр сулууспа – 112;

ЕДДС – 44-45-64.