Лааҕырга босхо путевкаларын биэриэхтэрин баҕараллар

Госдуума дьокутаата Сергей Миронов бэлиэтээбитинэн, үөрэххэ ситиһиилэр эмиэ федеральнай таһымҥа бэлиэтэниэхтээхтэр.

«Холобур, оҕо үөрэх сылын туйгуннук түмүктээтэҕинэ, кини оҕо лааҕырыгар босхо путевканы ылыахтаах” — диэн дьокутаат РИА Сонуннарын кытта кэпсэтиигэ эттэ.

Эбэн эппитинэн, кыһыл көмүс мэтээл иһин сынньалаҥы таһынан федеральнай төлөбүр көрүллүөхтээх; холобур, 5 тыһыынча солкуобай кэриҥэ. Кини саныырынан, бу улахан суума буолбатах, ол гынан баран оскуолаҕа ылыллыбыт билиини бэлиэтиир наҕараада, БКЭ-ҕэ бэлэмнэнии иһин буолбатах.

Үөрэнээччилэри эрэ буолбакка, учууталлары эмиэ наҕараадалыырга Госдуума этии киллэрэр. Билигин Арассыыйа сорох эрэгийиэннэригэр БКЭ-ҕэ 100 баалы ылбыттарга уонна Бүтүн Арассыыйатааҕы олимпиадалар кыайыылаахтарыгар төлөбүрдэр бааллар, ол гынан баран кыһыл көмүс мэтээлинэн наҕараадаламмыттарга бириэмийэ сэдэхтик бэриллэр.

«Эрэгийиэннэр маннык төлөбүрдэри киллэрэллэрэ сөптөөх. Ол гынан баран бу оҕолору бэлэмнээбит учууталлары эмиэ наҕараадалыахха наада. Педагогтарга маннык төлөбүрдэр эмиэ сорох эрэгийиэннэргэ бааллар, ол гынан баран кинилэр федеральнай сокуонунан бигэргэтиллиэхтээхтэр», — диэн политик түмүктээтэ.