Өлүөнэ уутун хаачыстыбата хайдаҕый?

«Водоканал» тэрилтэ хас күн аайы уу пробатын ылан, ыраастаныан иннинэ уонна ыраастаммытын кэннэ бэрэбиэркэлиир.
Бүгүн сарсыарда ыраастана илигинэ
өҥө  —118,4 град., төһө дьэҥкирэ, болоорхойо — 9,10 мг/дм3, тимирэ — 0,35 мг/дм3.

Ыраастаммытын кэннэ: өҥө — 6,5 град., төһө дьэҥкирэ, болоорхойо — 0,05 мг/дм, тимирэ — 0,09 мг/дм3.

✅Сытын сүтэрэргэ чоҕу туһаналлар. Чохтотуу дьайыыта дэнэр эбит. Эбэ уута хайдаҕыттан көрөн, активированнай чох өлүүскэтин үрдэтэн иһэллэр.

✅«Водозабортан»  ылыллар бэрэбиэркэ ахсаанын халаан кэмигэр  элбэтэллэр. Ол эбэтэр, холобур билигин икки чаас буола- буола оҥороллор.
✅Хас күн аайы «СӨ гигиенаҕа уонна эпидемиологияҕа киинэ» ФБУЗ кытта уу узелыгар уонна уу ситимигэр баар ууну бэрэбиэркэлииллэр уонна булгуччу «Роспотребнадзорга» отчуоттууллар.

СанПиН 1.2.3685-21 ирдэбилинэн, иһэр ууга көҥүллэнэр муҥутуур көрдөрүү (концентрация) маннык буолуон  сөп:
Өҥө – 20 град.;
Төһө дьэҥкирэ, болоорхойо – 1,5 мг/дм3;
Тимирэ — 0,3 мг/дм3.
Ким сэргиир уу туругун  күннэтэ бу сигэнэн киирэн,  «Водоканал» АУо саайтыгар көрүөххүтүн сөп: https://vodokanal-ykt.ru/.
-