Өлүөнэ кытылыттан икки куб. миэтэрэ бөх хомулунна

Бэҕэһээ Дьокуускай куорат 202-с түөлбэтин кытылыгар Өлүөнэ эбэ күнүгэр аналлаах экологическай субуотунньук буолан ааста.

Тэрээһини СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иилээн-саҕалаан ыытта.

Эбэ кытылын ыраастааһыҥҥа Рослесозащита, Росрыболовство Илин Сибиирдээҕи территориальнай управлениетын, СӨ Национальнай баанын, «Өлүөнэ очуостара» национальнай паарка, Губинскай уокурук управатын, Өлүөнэ тардыытын ууга управлениетын, Гидрометкиин, Дьокуускай куораттааҕы оҕо хамсааһынын «Подросток» тэрилтэтин, Глобальнай үөрэхтээһин киинин, «Золотой ключик», «Звездочка» оҕо уһуйааннарын кэлэктииптэрэ күргүөмүнэн таҕыстылар.

Үлэ түмүгүнэн волонтердар 2 кубометр кэриҥэ бөҕү хомуйбуттарын министиэристибэҕэ иһитиннэрдилэр.