Өлүөхүмэ улууһугар мууска хаайтарбыт дьону быыһаатылар

Бэлиэтээн эттэххэ, бүгүн сарсыарда 05.40 ч. Намана өрүс төрдүгэр уонна Хоро сэлиэнньэтин икки ардыларыгар Өлүөнэ эбэҕэ үс оҥочолоох сэттэ киһи мууска хаайтарбытын туһунан суһал иһитиннэрии киирбит.   

Эмсэҕэлээбит дьону быыһыы Ленскэйтэн бөртөлүөт уонна Арассыыйа ИДьМ-н быыһааччылара көппүттэр.

Ыам ыйын 12 күнүгэр 11.05 ч. туругунан булчуттары Өлүөхүмэ куоракка илдьибиттэр.

СӨ Быыһыыр сулууспата Саха сирин олохтоохторун муус барар кэмигэр өрүскэ тахсыбаккытыгар, сэрэхтээх буоларгытыгар ыҥырар. Төһө эмэ өйдөтөр үлэ ыытылларын үрдүнэн, сыл аайы маннык түбэлтэ тахса турар.