Өлүөхүмэ оройуонугар тыаҕа муммут дьахтары көрдүүллэр

Дьахтар тыаҕа сүппүтүн туһунан иһитиннэрии туһааннаах сулууспа улуустааҕы салаатын дьуһуурунай-диспетчер сулууспатыгар бу дьыл балаҕан ыйын 9 күнүгэр киирбит. Онно этиллибитинэн, кини 1953 сыллааҕы төрүөх эрин кытта мотуордаах тыыга олорон, Дэлгэй бөһүөлэгиттэн 50 км тэйиччи сытар Сосновка диэн сиргэ барбыттар.

Отон хомуйалларыгар тус-туһунан барбыттар, ол кэнниттэн, хомойуох иһин, олоҕун аргыһа эргиллибэтэх.
Эрэ бастаа утаа бэйэтэ көрдүү сатаабыт, ол кэнниттэн кыыһыгар эрийэн, ийэлэрэ сүппүтүн эппит.
Туһааннаах сулууспаҕа сигнал киирээтин кытта көрдүүр-быыһыыр үлэ тута саҕаламмыт. Оптуорунньукка, ол эбэтэр бүгүн, Дьокуускайтан быыһыыр сулууспаттан  Максим Колесов салайааччылаахъ түөрт үлэһит көмөҕө барбыт. Барахсан, бука диэн, тыыннаах көһүннэр ханнык.