26.11.2021 | 13:00

Кыыллары быстах кэмҥэ тутар Пууҥҥа – аһаҕас аан күнэ

Кыыллары быстах кэмҥэ тутар Пууҥҥа – аһаҕас аан күнэ
Ааптар: Киин Куорат

Дьокуускайдааҕы дьэллик кыыллары быстах кэмҥэ тутар пуун (ППЖ) Аан дойдутааҕы дьиэ харамайдарын күнүн көрсө, сэтинньи 27 күнүгэр, аһаҕас аан күнүн уонна «Помоги мне стать домашним» аахсыйа-флешмобу ыытар. Үтүө санаалаах гражданнары Пуун иитиллээччилэрин хаартыскаҕа түһэрэн социальнай ситимнэргэ угарга ыҥыраллар. Ол туһунан олохтоох дьаһалта пресс-сулууспата иһитиннэрдэ. 
«Субуотаҕа куорат олохтоохторугар аһаҕас аан Күнүн ыытабыт. Дьон биһиэхэ кэлэн биир эбит кыылы ылыан эбэтэр хаартыскаҕа түһэрэн социальнай ситимҥэ уктахтарына, холобур, ыт оҕотутугар хаһаайын көстүөн сөп. Күнү-дьылы билгэлээһининэн, бу өрөбүллэргэ сылаас буолар, күнү быһа киэһэ 17.00 чааска диэри үлэлиэхпит», – диэтэ «Помоги выжить» аһымал пуонда дириэктэрэ Екатерина Безрученко.
Тэрийээччилэр иһитиннэрбиттэринэн, «Помоги мне стать домашним» аахсыйа сыала судургу, ким баҕалаах кэлэн хаартыскаҕа түһэрэн, видеоҕа устан баран социальнай ситимнэргэ #помогимнестатьдомашнимякт_ппж хештегтаах киллэриэххэ сөп. 
Аахсыйа субуотаҕа, сэтинньи 27 күнүгэр, сарсыарда 10.00 чаастан киэһэ 17 чааска диэри Очиченко уул., 57 №-гэр ыытыллар. Ити күн дьэллик кыыллары быстах кэмҥэ тутар пуун нэһилиэнньэттэн ыттар уйаларын, итиини тутар гынар матырыйаалы, сыаптары, карабины аһымал көмө быһыытынан ылар. 
Билиҥҥи туругунан Пууҥҥа 600-чэ араас саастаах ыт тутуллан турар. 
Арассыыйаҕа дьиэ харамайдарын Күнэ Аан дойдутааҕы кыыллар көмүскэллэрин пуондатын көҕүлээһининэн 2000 сыл сэтинньи 30 күнүттэн бэлиэтэнэр. Бырааһынньык девиһэ – «Ты навсегда в ответе за тех, кого приручил» (Антуан де Сент-Экзюпери).

Сонуннар

28.05.2022 | 11:57
Клещ кэллэ!

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...
Бүтүн агробөһүөлэги туттарбыт салайааччы
Дьон | 22.05.2022 | 12:00
Бүтүн агробөһүөлэги туттарбыт салайааччы
Үлэ ситиһиилээх буолуутун төрдө – сатабыллаах, далааһыннаах быһаарыныылары ылынар салайааччы. Өссө ааспыт үйэ 60-с сылларыгар, этэргэ дылы, үрэх баһа дойдуга бүтүн агробөһүөлэги туттаран бүгүн даҕаны уос номоҕор сылдьар бөдөҥ салайааччы Иван Васильевич Николаев туһунан “Бырааттыы Мординовтар” музейы салайар Сардана Александровна Васильевалыын кэпсэттибит.   – Сардана Александровна,  Саха АССР төрүттэммитэ 100 сылынан...