Кыылга эппиэтинэстээх сыһыан туһунан

Хайа баҕарар кыылга сиэрдээх, киһилии сыһыан баар буолуохтаах. Кыылы иитээччи көрөр харамайын иһин эппиэтинэһи сүгэр. Оҕону кыра эрдэҕиттэн кыылга киһилии сыһыаннаһарга үөрэтиллиэхтээх диэн.  

Дьиэ кыылыгар эппиэтинэстээхтик сыһыаннаһыыга киирэр:

— сөптөөх көрүүнү-харайыыны хааччыйыы;

— кэмигэр көтүппэккэ таһырдьа күүлэйдэтии, мэччитии;

— сөптөөхтүк аһатыы, сибиэһэй иһэр уунан хааччыйыы;

— оонньотуу, дрессировкалааһын;

— кыылы бэйэтин уонна уйатын ыраастык тутуу;

— кыылы салгыы көрөр-харайар кыах суох түгэнигэр саҥа хаһаайыны булларыы эбэтэр приюкка тиксэрии.

Бэтэринээр көмөтүн кэмигэр оҥорторуу:

— регистрациялатыы, идентификациялыыр чиби туруортарыы;

— профилактикалыыр быһыыны бэрдэрии;

— эчэйдэҕинэ, ыарыйдаҕына кэмигэр бэтэринээргэ көрдөрүү;

— дьиэ кыылын салгыы ууһаппат буоллахха стреализациялатыы.

Дьиэ кыылыгар сыһыаннаан тугу гынар бобуллара:

— дьоҥҥо саба түһэргэ киксэрии;

— элбэх кыбартыыралаах дьиэҕэ олорооччу кыылы иитэр киһи ыалларын бырааптарын, интэриэстэрин күөмчүлүө суохтаах;

Кыылы күүлэйдэтэргэ тутуһуллар ирдэбиллэр:

— Дьон, атын кыыллар куттала суох, баай-дуол бүтүн буолууларын хааччыйыллыахтаах;

— суолу туорааһыҥҥа, лифтэргэ уонна элбэх кыбартыыралаах дьиэлэр уопсай туһанар сирдэригэр, тиэргэннэргэ, оҕо уонна спорт былаһааккаларыгар кыылы көҥүл, хонтуруола суох ыытыллыа суохтаах;

— нэһилиэнньэлээх пууннар уулуссаларыгар дьиэ кыыла хонтуруола суох көҥүл сылдьыа суохтаах;

— уопсастыбаннай сирдэргэ күүлэйдэтии кэмигэр кыыл тахсан киирбитин, хойуулаабытын, хомуйуллуохтаах, ыраастаныллыахтаах.

Ыт томторуга (наморднига), сиэтиитэ суох хаһаайынын күрүөлэммит тэлгэһэтигэр эрэ сылдьыан сөп. Тэлгэһэ иһигэр ыт баарын туһунан сэрэтэр сурук территорияҕа киирэр ааҥҥа суруйуллуохтаах.

Кыылы көрүүнү-харайыыны ханнык сокуон хонтуруоллууруй?

— 2018 с. ахсынньы 27 күнүнээҕи “Кыылга эппиэтинэстээх сыһыан уонна Арассыыйа Федерациятын сокуоннарын аакталарыгар уларытыылары киллэрии” 498-с №-дээх федеральнай сокуон.

— 2014 с. атырдьах ыйын 1 күнүнээҕи 237-с №-дээх СӨ Бырабыыталыстыбатын уурааҕынан бигэргэммит кыылы көрүү-харайыы быраабылалара.

Ыйыллыбыт быраабыла пууннарын кэһии иһин кыылы иитээччилэр 1000 солк. диэри 3000 солк. диэри административнай ыстараапка ууруллуохтарын сөп. Быраабыланы иккистээн кэһии иһин – 3000 солк. 5000 солк. диэри ыстараап.

Оттон РФ административнай быраабы кэһии Кодексатынан сэрэтии  биэриэхтэрин уонна кэспит ыстатыйаларынан көрөн, 1500 солк. 30 тыһ. солк диэри кээмэйдээх ыстараабы төлөтүөхтэрин сөп.

Дьокуускай уокуруктааҕы дьаһалтатын территориялары кытта үлэҕэ Департаменын иһитиннэриитинэн