Кытыллары ыраастааһын үлэтэ салҕанар

Олохтоох  дьаһалта тэрийиитинэн уу эбийиэктэрин аттынааҕы сирдэри ыраастыырга маассабай субуотунньуктар билигин да ыытыллаллар.

Субуотунньуктар номнуо буолан аастылар:  

✅203 дьоҕус түөлбэҕэ: “дьиикэй пляж” сирэ-уота хомулунна.

✅Горканалга: Губинскай уонна Октябрьскай уокуруктарга ыраастанна.

✅Киин уокурукка: Щорс аатынан уонна Таалай күөл кытыллара ыраастаннылар.

✅Сайсары уокуруга: Сайсары күөл тулата ыраастанна.

Сыыппаранан:

✅173 уу эбийиэгэ ыраастанна.

✅6 712 куорат олохтооҕо субуотунньуктарга кытынна.

✅692 тэрилтэ аахсыйаны өйөөтө.

✅7 924 куул бөх хомулунна.

✅371 кубометр улахан сабардамнаах бөх полигоҥҥа тиэйилиннэ.  

Уу эбийиэктэрин кытылларын ыраастааһын балаҕан ыйыгар диэри ыытыллар. Олохтоох дьаһалата субуотунньуктарга көхтөөхтүк кыттарга, киин куораппытыгар баар уу эбийиэктэригэр харыстабыллаахтык сыһыаннаһарга ыҥырар.