“Кындыл кыталыктаах кырдалынан”
Чочу нэһилиэгин олохтоохторо саха норуодунай бэйиэтэ, драматург, ССРС Суруйааччыларын сойууһун чилиэнэ Иван Михайлович Гоголев-Кындылынан (18.01.1930-22.11.1998) киэн тутталлар, күн бүгүнүгэр диэри үтүө тылынан ахталлар. Суруйааччы дьонун дьиэтигэр “Түмэл-дьиэни” оҥорбуттара.
И.Гоголев-Кындыл аатынан түмэл сыллата оскуолаларга, уһуйааннарга, тэрилтэлэргэ анаан, киэҥ хабааннаах үлэни ыытар.
И.М. Гоголев-Кындыл аатынан түмэл дириэктэрэ Галина Николаевна Алексеева:
– Киэн туттар биир дойдулаахпыт төрөөбүтэ 95 сылын көрсө И.М. Гоголев “Кындыл кыталыктаах кырдалынан” диэн ааттаах өрөспүүбүлүкэ таһымнаах аһаҕас күрэх ыытыллыбыта. Манна араас улуустар талааннаахтара көхтөөхтүк кыттыбыттара.
– Ол курдук, Бүлүү куораттан Казимир Петров – “Хара кыталык”, Хаҥаластан Варвара Кузьмина – “Бэдэр харах”, Намтан Вера Тимофеева – “Староверов”, Тааттаттан Валерий Аввакумов – “Тээллэриис”, Уус Алдантан Максим Федоров – “Огдооччуйа эмээхсин”, Бүлүүттэн – Афанасий Иванов “Хабырыыс, Хобороос” үлэлэрэ бааллар.
Суруйааччы айымньытын ситэрэн-хоторон биэрэр бу сонун оҥоһуктар түмэлбит киэн туттар экспонаттара буолаллар.
Сонуннар
Ордук ааҕаллар
