Кыл-мүччү...

Эр киһиэхэ судаарыстыбаннай өҥө порталыгар баар тус аккаунун алдьаппыттар диэн иһитиннэрии киирбит. Ол курдук, бэриллибит нүөмэргэ эрийээт, түөкүттэр албыннарыгар киирбит, кинилэр араас биэдэмистибэ үлэһиттэрэ буолан, биллибэт дьон кини аатыгар кирэдьиит ылбыттар диэн итэҕэппиттэр.

Массыанньыктар этиилэринэн, гражданин массыына атыылаһарга диэн 1,2 мөлүйүөн солкуобай кэриҥэ кирэдьиит ыларга сайабылыанньа биэрбит. Кини бу туһунан кимиэхэ да биллэрбэтин боппут түөкүттэр ыйыыларын барытын толорон, харчытын устаары гыммыт. Сэрэхтээх баан үлэһиттэрэ албыннааһыны сэрэйэн, бары дьаһаллары тохтоппуттар итиэннэ иһитиннэриини куттал суох буолуутун сулууспатыгар уонна полицияҕа биллэрбиттэр.

Сөптөөх хамсаныы түмүгэр Дьокуускай куорат олохтооҕо түөкүттэртэн уонна улахан иэскэ киирэртэн быыһаммыт.

Полиция олохтоохтору сэрэхтээх буолалларыгар ыҥырар.