Кыайыы дьыктааныгар регистрация бүгүҥҥүнэн түмүктэнэр

Тэрийээччилэр YakutiaMedia-ҕа эппиттэринэн, муус устар 24 күнүгэр былааннаммыт тэрээһиҥҥэ регистрация муус устар 13 күнүгэр, бүгүн, түмүктэнэр.

Саха сиригэр “Историческай өйдөбүнньүк” бырайыак иитинэн ыытыллар тэрээһин эрэгийиэннээҕи координаторынан Уопсастыбаннай өйөбүл штабын салайааччыта Саргылана Неустроева үлэлиир.

“Күн бүгүн диктантпобеды. РФ (18+) саайтыгар өрөспүүбүлүкэҕэ 803 “Кыайыы дьыктаана” ыытыллар былаһаакката тэриллибит. Саамай элбэх кыттааччы өрөспүүбүлүкэ бастакы бэрэсидьиэнэ М.Е. Николаев аатынан 40 №-дээх оскуолаҕа күүтүллэр”, - диэтэ Неустроева.

Кини 2026 сылга дьыктаан сүрүн тиэмэтинэн уһулуччулаах сэбиэскэй полководец Георгий Константинович Жуков төрөөбүтэ 130 сыла буоларын бэлиэтээтэ. Кыттааччылар эрдэттэн бэлэмнэнии тургутугунан билиилэрин бэрэбиэркэлиэхтэрин сөп.

Икки сыллааҕыта өрөспүүбүлүкэҕэ бастакытын “Дьоруойга сурук” аахсыйа ыытыллыбыта (6+ саастаахтарга). Анал сирдэргэ ким баҕарар СВО зонатыгар баар саллааттарга баҕа санаатын суруйан, анал почта дьааһыктарынан ыытыан сөп этэ. Аахсыйа быйыл эмиэ ыытыллыаҕа.

Хаартыска: yakutiamedia.ru