Кыайыы былааҕа Дьокуускайга ыам ыйын 9 күнүгэр кэлиэҕэ

Ахсынньы 28 күнүгэр сахаттан бастакы Сэбиэскэй Сойуус Дьоруойа Федор Попов төрөөбүт Мэҥэ Хаҥалас оройуонуттан саҕаламмыт «Кыайыы былааҕа» эстафета өрөспүүбүлүкэ бары улуустарын эргийэн, киин куоракка ыам ыйын 9 күнүгэр кэлиэҕэ.

Ол туһунан Ил Дархан Айсен Николаев «Россия 24» ханаалга быһа эпииргэ иһитиннэрбитэ. 
Айсен Николаев маны сэргэ Улуу Кыайыы 80 сылынан былааннаммыт атын тэрээһиннэр эмиэ саҕаламмыттарын, Кыайыы былааҕа бу күннэргэ Амма, Уус Майа, Алдан, Нерюнгри оройуоннарга сылдьан баран, Уус Алдан улууһугар кэлбитин иһитиннэрбитэ. 
«Кыайыы былааҕа» өрөспүүбүлүкэтээҕи эстафета ыччаты дойдуга бэриниилээх буолуу тыыныгар иитэргэ былаас уонна уопсастыбаннас күүһүн түмэр сыаллаах, диэн Ил Дархан уонна Бырабыыталыстыба пресс-сулууспата иһитиннэрэр.

Хаартыска: Андрей Сорокин, СИА.