Кыайыы болуоссатын газона чөлүгэр түһэриллиэҕэ

Ол курдук, ууну автоматическайдык кутуу ньымата киирбитэ. Болуоссаты кытта сэргэстэһэ сытар Роман Дмитриев аатынан кытылга эмиэ көҕөрдүү күүскэ барбыта. Хабаров уулуссатын кыйа сэдэхтик көстөр күөх мастар олордуллубуттара.

Оттон билиҥҥитэ болуоссакка атын хартыына. Газоммут ото үүммэтэ. Айылҕа дьаалытынан отун бытыгыраппыта, онон-манан тараҕай буолан буора көстөр, ол быыһыгар былырыыҥҥы мааны оппут саһаран сытар.

Губинскай уокурук управатын салайааччыта Андрей Михайлов: “Быйыл газон куһаҕан туруктааҕа хас да төрүөттээх: бастатан туран, уһун сылаас күһүн кэнниттэн эмискэ тымныылар түспүттэрэ, 2025 сыллаах балаҕан ыйыгар эрдэ тоҥорбута, хаара суоҕун кэриэтэ этэ, ол иһин газон онон-манан тоҥмут.

Билиҥҥи кэмҥэ бэдэрээттээх тэрилтэ, гарантиялаах эбээһинэс быһыытынан, газону чөлүгэр түһэриигэ ылсыахтаах.

Манна эбэн эттэххэ, бу нэдиэлэҕэ ЕИС электроннай былаһааккаҕа, бэрээдэк быһыытынан, Кыайыы болуоссатын көрөр-истэр бэдэрээтчит быһаарыллыаҕа. Бу хантараакка болуоссаты көҕөрдүү, автоматическай ууну кутуу систиэмэтин монтажтааһын, урут олордуллубут күөх үүнээйилэри көрүү-истии киирэр”.

Онон Кыайыы болуоссатын күөх хонуута сотору кэминэн чөлүгэр түһэриллиэҕэ диэн эрэниэҕиҥ.