Кыайыы 80 сылыгар аналлаах тэрээһиннэри ыытар хамыыһыйа мунньаҕа буолан ааста

Култуура уонна духуобунай сайдыы управлениетын салайааччыта Сардана Брызгалова иһитиннэрбитинэн сыл саҕаланыаҕыттан 180-тан тахса араас таһымнаах тэрээһин ыытыллан, 140-тан тахса киһи хабыллыбыт. Тэрээһиннэр сыл бүтүөр диэри салҕаналлар.

Оттон Арассыыйаҕа Аҕа дойдуну көмүскээччи уонна Саха Өрөспүүбүлүкэтигэр Ийэ дойдуну араҥаччылааччы сыла улахан бырааһынньыктааҕы кэнсиэринэн түмүктэниэҕэ.

Үөрэх управлениетын начаалынньыгын солбуйааччы Егор Охлопков иһитиннэрбитинэн, кинилэр хайысхаларынан ыытыллыбыт 43 тэрээһиҥҥэ 82 тыһ. үөрэнээччи кыттыбыт. Сыл бүтүөр диэри эмиэ былааннаммыт тэрээһиннэр тиһигин быспакка ыытыллыахтара.

Уопсастыбаннай сибээскэ уонна ыччат политикатыгар управление начаалынньыга Петр Попов бэлиэтээбитинэн, бары ыытыллыбыт уонна былааннанар тэрээһиннэр историяны харыстыыр, ыччаты патриотизм тыыныгар иитэр, сэрии, тыыл бэтэрээннэрин, сэрии оҕолорун өйүүр сыаллаахтар, диэн Олохтоох дьаһалта пресс-сулууспата иһитиннэрэр.