Кыайыы 80 сылыгар аналлаах открытканы оҥорууга куонкурус биллэрилиннэ

Арассыыйа почтата оскуола үөрэнээччилэрин уонна устудьуоннары Кыайыы 80 сылыгар анаммыт почта открыткатын айан уруһуйдааһын Бүтүн Арассыыйатааҕы куонкуруһугар кыттыҥ диэн ыҥырар.
Куонкуруһу, РФ худуоһунньуктарын уонна Арассыыйа филателистарын сойуустарын Москватааҕы салаалларын өйөбүллэринэн, Арассыыйа почтатын салаа тэрилтэтэ "Марка" АУо тэрийэн ыытар.
Куонкуруска 7 сааһыттан 18-гар диэри саастаах оҕолор кытталлар. Куонкурус ирдэбилинэн Кыайыы 80, Аҕа дойдуну көмүскээччи сылларыгар аналлаах интэриэһинэй, чаҕылхай, өйдөнүмтүө уруһуй открытка эскиһин оҥоруу буолар. Открытканы уруһуй ханнык баҕарар тиэхиньикэтин туһанан уруһуйдуохха сөп: живопись, ааптар эбэтэр көмпүүтэр графиката, коллаж, о.д.а. Сүрүнэ кыттааччы уруһуйу бэйэтэ оҥорбут, нейросеть уонна алгоритмнаах бырагыраамалары туһамматах буолуохтаах.
Түмүккэ кыайыылаах эскиһэ мааркаламмыт открытка буолан тахсыа.
Сайаапкалары муус устар 30 күнүгэр диэри тутуохтара. Оттон куонкурус түмүгэ ыам ыйын 9 күнүгэр биллиэ.
Куонкурус Балаһыанньатын уонна ыытыллыытын туһунан сиһилии "Марка" АУо сайтыгар билсиэххитин сөп диэн Арассыыйа почтатын пресс-сулууспата суруйар.