Кыһыҥҥы суол туһунан
«Бүлүү» суолун управлениета» ФКУ кыһыҥҥы суол хаһан аһыллыан сөбүн быһа холуйан маннык былааннаабыт. Ол курдук, Бүлүү эбэни 4 туоннаҕа диэри уйуктаах тиэхиньикэлэр быйыл ахсынньы 4 күнүттэн маннык учаастактарга туоруохтарын сөп. Бүлүү суолун:
660-с км, Үөһээ Бүлүү с.;
807-с км, Күндээдэ с.;
956-с км, Устье с.;
1049-с км, Кириэстээх с.
Оттон Р-504 «Халыма» федеральнай суолга эбэлэри туоруур кыах маннык кыраапык быһыытынан былааннаммыт:
Өлүөнэ өрүс нөҥүө («Дьокуускай — Аллараа Бэстээх») – 2027 сыл тохсунньу 4 күнүттэн;
Алдан өрүс нөҥүө («Хандыга — Мэҥэ-Алдан») – 2026 сыл ахсынньы 4 күнүттэн.
Эбэни туоруурга көҥүллээх болдьох бары да билэргит курдук, күн-дьыл туругуттан, халлаан төһө тымныйарыттан, муус хаһан халыҥыырыттан быһаччы тутулуктаах.