Куттал суох буолуутун хааччыйыыга сэминээр ыытылынна

Дьокуускайга муус устар ый үлэ харыстабылын ыйынан биллэриллэн турар. Ол чэрчитинэн ааспыт нэдиэлэҕэ уокуруктааҕы дьаһалта улахан саалатыгар үлэ харыстабылыгар уонна олоххо куттал суох буолуутугар сэминээр буолла.

Манна үөрэх тэрилтэлэрин бэрэстэбиитэллэрэ, гражданскай оборонаҕа, ыксаллаах быһыыга-майгыга, үлэ харыстабылыгар уонна баһаарынай куттал суох буолуутугар эппиэтинэстээх  исписэлиистэр кытыннылар.

Сэминээргэ үөрэх тэрилтэлэригэр баһаарынай куттал суох буолуутун хааччыйыыга тоҕоостоох боппуруостары ырыттылар, дакылаат аахпыт туһааннаах тэрилтэлэр иниспиэктэрдэрэ ыксаллаах быһыыга-майгыга сөптөөхтүк дьаһаныы сүбэлэрин биэрдилэр, сааскы кэмҥэ ууга сылдьыы быраабылаларын, халаан кэмигэр сэрэхтээх буолуу миэрэлэрин быһаардылар.

Хаартыскалар: Дьокуускайдааҕы үөрэҕирии управлениетын
телеграм-ханаалыттан