Куораттар уубут хаачыстыбата хайдаҕый?

Эрдэ суруйбуппут курдук, “Водоканал” тэрилтэ күн ахсын хаста да төхтөрүйэн уу хаачыстыбатын бэрэбиэркэлиир. Бэс ыйын 3 күнүнээҕи бэрэбиэркэ түмүгэ тугу көрдөрбүтүн билсиэҕиҥ.

Өлүөнэ эбэбит уутун өҥө-дьүһүнэ –100,5 град.,  дьэҥкирэ, болоорхойо – 5,22 мг/дм3, тимирэ – 0,26 мг/дм3.
Оттон эбэ уутун ыраастаабыт кэннэ: өҥө-дьүһүнэ – 5,3 град., дьэҥкирэ, болоорхойо – 0,11 мг/дм, тимирэ – 0,05 мг/дм3 буола уларыйбыт.

Санатан эттэххэ,  1.2.3685-21 СанПиН сигэнэр буоллахха, иһэр уу хаачыстыбатыгар эппиэттэһэр концентрация маннык:
Өҥө-дьүһүнэ – 20 град.;
Дьэҥкирэ, болоорхойо – 1,5 мг/дм3;
Тимирэ — 0,3 мг/дм3.


 

Сыты сүтэрэргэ чох туттуллар. Уу туруга хайдаҕыттан көрөн, иккилии чаас буола-буола, технологтар  активированнай чох дозатын эбэн биэрэллэр. Муус барар кэмигэр уонна баччаларга ууну иккилии чаас буола-буола бэрэбиэркэлииллэрин санатар тоҕоостоох.
Хас күн аайы “СӨ Гигиена уонна эпидемиология киинэ” тэрилтэни кытта куорат магистралларынан барар ууну эмиэ бэрэбиэркэлииллэр. Түмүгүн Роспотребнадзор управлениетыгар отчуоттууллар.