Куорат ыалларын болҕомтотугар

Эһигини Бүтүн Арассыыйатааҕы үһүс төгүлүн ыал дьон ортотугар ыытыллар уурунуу уонна инвестиция бэстибээлин муниципальнай түһүмэҕэр кыттарга ыҥыраллар.

Тэрээһин бэс ыйын 5 күнүгэр күнүс 15.00 ч. Дьокуускай куорат Уокуруктааҕы дьаһалтатын дьиэтигэр, ол эбэтэр Ленин пр., 15 дьиэтигэр “Столица” саалаҕа буолар.

Бэстибээлгэ 2-4 киһилээх ыал хамаандалара кытталлар. Хамаандаҕа уон саастарыттан үөһэ саастаах араас көлүөнэ аймахтыы дьон киирэллэр. 18 сааһын туолбут киһи бииртэн итэҕэһэ суох буолуохтаах.

Бэстибээл муниципальнай түһүмэҕин кыттыылаахтара үс көрүҥҥэ кытталлар: «Сохраняй и приумножай» диэн үп квиһигэр, «Риски и страховка» кейс-оонньууга уонна инвест-практикумҥа.

Манна кыайыылааҕынан тахсыбыт хамаанда үбү-харчыны сатаан туһанар (финансово грамотнай) ыал аатын ылар уонна быһа эрэгийиэн таһымнаах түһүмэх кыттааччыта буола түһэр. Эрэгийиэннээҕи түһүмэх бэс ыйын 20 күнүгэр буолуоҕа. Ол түһүмэххэ бастакы миэстэлэммит Москубаҕа буолар федеральнай түһүмэххэ кытта барар чиэстэнэр.

Дьокуускай куорат Олохтоох дьаһалтатын Үпкэ департамена үпкэ-харчыга тыыппалаах, үбү сатаан туһанар, улаатыннарар сатабыллаах дьиэ кэргэттэри бу муниципальнай түһүмэххэ кыттарга ыҥырар. Онуоха сайаапкаҕытыгар хамаандаҕа кимнээх киирэллэрин, контактарын ыйаҕыт уонна бэс ыйын 1 күнүгэр диэри TumusovaKP@yakadm.ru электроннай почтаҕа ыытаҕыт. Эрийэн билсэр төлөпүөҥҥүт нүөмэрэ –  7(4112) 40-88-54.