Куорат уулуссаларыгар өрөмүөн салҕанар

«Олох инфраструктурата» нацбырайыагынан киин куорат уулуссаларыгар өрөмүөн үлэтэ салҕанар.

Сэргэлээх суолун 5-тэн 8-с км диэри «Дороги Саха» САУо суол үрүт араҥатын тэлгээһини, ааспыт сыллааҕы итэҕэстэри туоратыыны бүтэрбит. Бүгүҥҥү күҥҥэ көҕөрдүү, тротуардары уларытыы, суол бэлиэлэрин туруоруу ыытыллар. Эбийиэккэ 15 киһи үлэлиир. Үлэ аны күһүн балаҕан ыйыгар түмүктэниэхтээх.

Дежнев уулуссатыгар түөрт балаһа уонна тротуар оҥоһуллар. Бэдэрээтчит «Сэттэ» ДРСУ ХЭТ буор үлэтин ортолообут. Ону кытта эргэ аспаал көтүрүллэр уонна инженернэй ситимнэри саҥардыы ыытыллар. Эбийиэккэ 20-тэн тахса киһи үлэлиир.

Санатар буоллахха, Крупская уулуссатыттан филармонияҕа диэри кэрчик от ыйын 26 күнгүэр сабыллан турар.

Быйыл сайын Дьокуускай уулуссаларын өрөмүөнүгэр 1,6 млрд кэриҥэ үп көрүллэн турар. Уопсайа 7 км усталаах 8 эбийиэккэ үлэ ыытыллар, диэн Олохтоох дьаһалта пресс-сулууспата иһитиннэрэр.

2026 сылга түмүктэнэр үлэлэр:

- Бүлүүлүүр суол быһа охсуһуутун Лермонтов уулуссатыттан Объездной суолга диэри кэрчигин тутуу, 0,820 км;

- 203-с түөлбэҕэ Ефимов уулуссатын тутуу, 0420 км;

- Халтурин уулуссатын Строителлэр уулуссаларыттан Якутская уулуссаҕа диэри кэрчигин хапытаалынай өрөмүөнэ, 0,591 км;

-  Сэргэлээх шоссетын Гимеин кольцотуттан шоссе 8 км диэри кэрчигин хапытаалынай өрөмүөнэ, 3,470 км;

- Лиза Чайкина уулуссатын Чернышевскайтан Крупская уулуссатыгар диэри учаастагын хапытаалынай өрөмүөнэ, 0,496 км;

- Кангалаас бөһүөлэгэр Дачная уулусса хапытаалынай өрөмүөнэ;

- Хабаров-Ярославскай-Чернышевскай-Ефимов уулуссалар быһа охсуһууларын хапытаалынай өрөмүөнэ, 0,254 км;

- Адаптивнай үөрэх комплексыгар киирэр суол хапытаалынай өрөмүөнэ, 0,180 км;

- Ленскай уулусса (иккис учаастак) хапытаалынай өрөмүөнэ;

- Халтурин уулуссатын Строителлэр уулуссаларыттан Якуская уулуссаҕа диэри кэрчигин хапытаалынай өрөмүөнэ.

Ханнык уулуссаларга суол өрөмүөнэ ыытыллара МАННА баар https://kiinkuorat.ru/articles/en-uulussa-byyyl-r-m-nnener-duo