Куорат салалтата сиэр-майгы ирдэбиллэригэр хоруйдаабат инсталляцияны көтүртэрдэ

Киин куоракка көҥүлэ суох арт-эбийиэги көтүртэрдилэр. Ленин проспегар турар дьиэ истиэнэтин тоҕу көтөн киирбит массыынаны ойуулуур инсталляцияны урбаанньыт Олохтоох дьаһалтаттан көҥүлэ суох туруорбут.
«Эбийиэги чаас иһинэн көтүртэрдибит. Биллэн турар, урбаанньыт маҥнай утаа утарыласпыта эрээри, сотору кэминэн сөбө суох быһыы тахсыбытын өйдөөбүтэ. Ол курдук, бу инсталляция Куоракка тупсаҕайдык дьаһанан олоруу быраабылаларын кэһэр. Тоҕо диэтэххэ суол быһылаанын ойуулуур эбийиэк сиэр-майгы ирдэбиллэригэр сөп түбэспэт», – диэн быһаарар Суол инфраструктуратыгар уонна тырааныспарга департамент бэрэстэбиитэлэ. Ол туһунан Дьокуускай куорат Олохтоох дьаһалтатын пресс-сулууспата иһитиннэрэр.