Куорат салалтата Афанасий Федоровы 85 сааһынан эҕэрдэлээтэ

Олохтоох дьаһалта аактабай саалатыгар ыытыллыбыт үөрүүлээх тэрээһиҥҥэ үбүлээри Ил Дархан уонна Бырабыыталыстыба дьаһалтатын салайааччыта Георгий Михайлов, култуура миниистирэ Афанасий Ноев, куорат баһылыга Евгений Григорьев эҕэрдэлээтилэр.

Георгий Михайлов Афанасий Федоровы киинэҕэ, тыйаатырга оруолларынан оҕо эрдэҕиттэн билэрин бэлиэтээтэ. Миниистир Афанасий Ноев Афанасий Семенович Бастакы Бэрэсидьиэн Михаил Николаев Туймаада ыһыаҕын көҕүлүүрүгэр сүрүн кылааты киллэрбитин бэлиэтээтэ. «Сиэри-туому сөргүтүүгэ кылаатын таһынан, элбэх таһаарыыга сурукка-бичиккэ киллэрэн, норуоппут култууратын үйэтиппит үтүөлээх», – диэтэ Афанасий Ноев. 

Дьокуускай куорат баһылыга Евгений Григорьев Афанасий Федоров Кыайыы пааркатыгар «Ытык сир» бырайыагы төрүттүүрүгэр 22 тыһыынча киһи куоластаабытын, быйыл паарка иккис уочаратын тутуу салҕанарын бэлиэтээтэ.

«Киин куорат» хаһыакка сүрүн эрэдээктэринэн үлэлээн ааспыт биллиилээх суруналыыс Иван Ушницкай аҕа сүбэһитэ, биир дойдулааҕа А.С. Федоров туһунан 2019 сыллаахха суруйуутун билсиҥ:  

https://kiinkuorat.ru/articles/algyschyt-afanasiy-fedorov-sylaas-ilgiyie-tuohtan-syrdyk-sydaayya-hantan