Куорат олохтоохторун «Мин – патриоппун» куонкуруска ыҥыраллар

Ил Түмэн иһинэн үлэлиир Ыччат парламена Саха АССР төрүттэммитэ 100 сылыгар аналлаах «Мин – патриоппун» өрөспүүбүлүкэтээҕи куонкуруһу тэрийэр. Куонкурус сыала – ыччакка гражданскай уонна патриотическай өйү-санааны иҥэрии. Бу туһунан Олохтоох дьаһалта пресс-сулууспата иһитиннэрдэ.

Куонкурус «Бастыҥ хаартыска», «Бастыҥ өйтөн суруйуу» номинацияларынан ыытыллар. Үлэлэр нөҥүө кыттааччы патриотизм боппуруостарыгар сыһыанын көрдөрүөхтээх. Куонкурус саастарыттан көрөн үс бөлөҕүнэн ыытыллар:

I-кы бөлөх – 4 кылааска диэри оҕолор;

II-с бөлөх – 5-11 кылаас үөрэнээччилэрэ;

III-с бөлөх – улахан дьон.

Куонкуруска кыттааччы «ВКонтакте» социальнай ситимҥэ www.vk.com/molparlament.sakha Ыччат парламенын  бөлөҕөр уонна www.t.me/molparlament_sakha Telegram-ханаалыгар киириэхтээх. Хаартыска уонна сыһыарыллыбыт тиэкис «ВКонтакте» социальнай ситимҥэ кыттааччы тус сирэйигэр #ЯПатриотЯкутии2022, #яркийМаксим, #МолпарламентЯкутии хештегтэрдээх баар буолуохтаах.

Сыһыарыллыбыт тиэкискэ хаартыска туһунан уонна кыттааччы араспаанньата, аата, аҕатын аата, сааһа, олорор нэһилиэнньэлээх пууна сурулла сылдьыахтаах.  Хаартыска кыттааччы патриотизмҥа сыһыаннаах санаатын, позициятын көрдөрүөхтээх.

«Бастыҥ өйтөн суруйуу» номинацияҕа үлэлэр *.doc, *.docx форматтаах буолуохтаахтар. Үлэни куонкурус ya_patriot_14@mail.ru электроннай почтатыгар кыттааччы араспаанньатын, аатын, аҕатын аатын, кылааһын, оскуолатын ыйан туран, «Я – патриот 2022» суруктаах ыытыллар.

«Тиэмэ» строкаҕа ыйыллар: Мин – патриоппун, хандьыдаат араспаанньата уонна инициаллара, нэһилиэнньэлээх пуунун аата, төрөөбүт күнэ-дьыла.

Өйтөн суруйуулар .doc, .docx форматтаах, А4 кээмэйдээх 2-3 сирэй буолуохтаах. Шрибин кээмэйэ – 12, тиэкиһин тэҥнээһин «по ширине», строка икки ардынааҕы интервал  – 1,5, абзаһын тэйиитэ – 1,25.

Файл аатыгар ыйыллар: кыттааччы араспаанньата уонна инициаллара, нэһилиэнньэлээх пуунун аата, төрөөбүт күнэ-дьыла. Өйтөн суруйуу ис хоһооно ураты, хатыламмат буолуохтаах.

Куонкуруска кыттар үлэлэри 2022 сыл муус устар 22 күнүгэр диэри туталлар.