Куорат олохтоохторун икки бөдөҥ бырайыакка кыттыыны ыларга ыҥыраллар

Улуу Кыайыы 80 сылынан тэрээһиннэр чэрчилэринэн ыам ыйын 8 күнүгэр Ленин проспегар «Кыайыы проспега» бырайыак, ол иитинэн георгиевскай лиэнтэҕэ рекорд-аахсыйа былааннанар.
Бу туһунан куорат баһылыгын солбуйааччы Владимир Аржаков салалтатынан ыытыллыбыт тэрийэр хамыыһыйа мунньаҕар кэпсэттилэр.
Ол курдук, ыам ыйын 8 күнүгэр Орджоникидже болуоссатыттан Доҕордоһуу болуоссатыгар диэри Аҕа дойду Улуу сэриитин күнүн ахсаанынан 1418 миэтэрэ уһуннаах георгиевскай лиэнтэ тардыллыаҕа.
Оттон куорат олохтоохторо Ленин проспегын устатынан тэриллибит байыаннай тиэхиньикэ быыстапкатыттан Аҕа дойду сэриитигэр туттуллубут сэрии сэбин-сэбиргэлин билсиэхтэрэ. Орджоникидзе болуоссатыгар үгэс быһыытынан «Кыайыы сааһа» тэрээһин, аармыйаҕа барааччылары атаарыы, саллаат куухуната о.д.а. тэриллиэхтрэ. 
Сэбиэскэй Сойуус Дьоруойдарын аатын сүгэр оскуолалар анал парадка кыттыахтара, 700 паара кыттыылаах кыайыы вальса ыытыллыаҕа.
Күн устата куорат оркестрдара Дмитрий Шостакович «Ленинградскай симфониятын» оонньуохтара.
Маны сэргэ куорат салалтата нэһилиэнньэни «Якутяне – труженики тыла в годы Великой Отечественной войны 1941-1945 годов» (https://podvigyakutska.ru/) бырайыак саайтыгар бэйэлэрин аймахтарын, билэр дьоннорун туһунан информациянан үллэстэргэ ыҥырар, диэн иһитиннэрэр Олохтоох дьаһалта пресс-сулууспата.