Куорат киинигэр – ураты болҕомто

Баһылык МАХ ханаалыгар иһитиннэрбитинэн, бас билээччилэри кытта кэпсэтэн баран, эргэ хаһаайыстыбаннай тутуулары көтүрүү боппуруоһа көрүллүөҕэ. Бу эбийиэктэр куорат көстүүтүн буортулуу тураллар, эбиитин дьон мустар сирдэригэр кубулуйаллар. Мантан 1-кы нүөмэрдээх оскуола уонна Национальнай бибилэтиэкэ чугас тураллар, онон туһааннаах дьаһалы ылыахха наада.

Дмитрий Садовников инникитин бу эргин тупсарыы үлэтэ тиһиктээхтик ыытыллара былааннанарын иһитиннэрдэ. Онуоха «Литератордар искибиэрдэрин» барыла хайыы үйэ оҥоһуллубут. Итини сэргэ спорт былаһаакката саҥардыллыах тустаах.

«Кыра-кыра хардыынан куорат киинин мөссүөнүн уларытан иһиэхпит: тас көстүүтүн, ону тэҥэ ис өттүн – ол эбэтэр олохтоохторго табыгастаах эйгэни уонна куттал суох буолуутун», – диэтэ Дмитрий Садовников.