Куорат күнүн балаҕан ыйын 13-15 күннэригэр бэлиэтиэхпит

Куорат баһылыга Дмитрий Садовников салайааччылаах Тэрийэр бөлөх бырааһынньыктааҕы тэрээһиннэри хас да блокка араарда.

Дмитрий Садовников: «Сүрүн болҕомто куорат олохтоохторугар уонна ыалдьыттарыгар куттал суох буолуутун, территориялар санитарнай туруктарын хааччыйыыга ууруллуохтаах».

Култуурунай-историческай блок: Өрөспүүбүлүкэ болуоссатыгар «Читай-город» библиотекалар быыстапкалара, «Туймаада» ансаамбыл, Искусство оскуолаларын иитиллээччилэрин кэнсиэртэрэ былааннанар.

Аҕа көлүөнэҕэ аналлаах блок: Орджоникидзе болуоссатыгар «Якутия за активное долголетие» өрөспүүбүлүкэтээҕи бэстибээл күүтүллэр. Манна социальнай өҥөлөр дьаарбаҥкалара, Социальнай пуонда, ФНС, Арассыыйа баанын исписэлиистэрин консультациялара, үлэ дьаарбаҥката ыытыллыахтара.

Ыччат блога: «Авто-Столица» тюнинг бэстибээлэ, землячестволар бастакы бэстибээллэрэ, олохтоох табаары оҥорон таһаарааччылар быыстапкалара күүтүллэр.

Үгэстэр уонна спорт: Култуура уонна сынньалаҥ пааркатыгар пикник, маастар-кылаастар, хаалыктаах хаамыы буолуохтара.

Эргэ Табаҕаҕа «Ямщицкое подворье» этно-комплекс арыллыаҕа, Хатаска уонна Тулагыга История музейын быыстапкалара туруохтара.