Куорат күнүгэр 12 оҕо төрөөбүт

Ол курдук, Куорат күнүгэр быйыл 12 оҕо төрөөбүт: 4 дьиэ кэргэҥҥэ бастакы оҕолоро, 4 дьиэ кэргэҥҥэ – иккистэрэ, 3 дьиэ кэргэн элбэх оҕолоох ыал буолбуттар, биир ыал төрдүс оҕоломмуттар.

Ийэлэри СӨ Доруобуйа харыстабылын миниистирэ Лилия Анкушева, Дьокуускай баһылыгын социальнай боппуруостарга солбуйааччы Ольга Яшина, Дьокуускай куораттааҕы Социальнай харалта управлениетын салайааччытын солбуйааччы Валентина Портнягина, “Матери России” Бүтүн Арассыыйатааҕы хамсааһын Саха сиринээҕи салаатын чилиэнэ Яна Никитина эҕэрдэлээтилэр.

Санатан эттэххэ, Саха сиригэр хас биирдии төрөөбүт оҕоҕо “Үйэ оҕолоро” тус сыаллаах хапытаал бэриллэр. 2022 сыллаахтан маннык хапытаалы 53 035 дьиэ кэргэн ылбыт. Төлөбүр кээмэйэ 2026 сыллаахха индексацияланан, 116 756 солк. буолан турар.

Оттон “Дьиэ кэргэн” регионнааҕы ийэ хапытаала икки төгүл улаатан, 316 200 солк. буолбута. 2025 сылтан бу хапытаал үһүс уонна онтон кэлэр оҕолорго бэриллэр.