Куорат дьаһалтатын үэһиттэрэ Өймөкөөн улууһугар көмөлөһө тиийдилэр

Баһылык Евгений Григорьев дьаһалынан Олохтоох дьаһалта үлэһиттэрин 7 киһилээх мобильнай биригээдэтэ атырдьах ыйын 7 күнүгэр диэри Өймөкөөн улууһун ардах халааныттан эмсэҕэлээбит Хара Тумул сэлиэнньэтигэр үлэлии сылдьаллар. 
Биригээдэ салайааччыта, Уопсастыбаннай сибээскэ уонна ыччат политикатыгар управление салайааччыта Андрей Михайлов иһитиннэрбитинэн, кинилэр бастатан туран үс чааһынай дьиэни чөлүгэр түһэриинэн дьарыктаныахтара.
Санатар буоллахха, Дьокуускайга халаан уутуттан эмсэҕэлээбит хоту Өймөкөөн, Абый, Муома улуустарыгар гуманитарнай көмөнү оҥорор пуун үлэлиир.
Гуманитарнай пууҥҥа ким баҕалаах аһылык бородууктатын (куруппа, мокоруон, кэнсиэрбэ, бурдук, саахар, оҕо аһылыга), гигиена тэрилин (мыыла, тиис суунар пааста, инчэҕэй салфетка), тутуу матырыйаалын (хаптаһын, тоһоҕо, инструмент) аҕалан туттарыан эбэтэр бастакы уочарат наадалаах табаары атыылаһарга харчынан көмөлөһүөн сөп.

Гуманирнай пуун аадырыһа: Дьокуускай к., Ярославскай уул., 21 (26 №-дээх оскуола, 1 этээс), төл.: 8-924-760-54-30 (Федорова Надежда Петровна).
Харчынан көмөнү оҥорор реквизиттэр:
Получатель: Фонд содействия развитию Оймяконского улуса
Банк: АКБ «Алмазэргиэнбанк»
Счет: 40703810614000000002
БИК: 049805770
Контакт в Оймяконском улусе: 8(41154) 2-13-29

Туора кыһалҕа диэн суох, уустук балаһыанньаҕа түбэспит биир дойдулаахтарбытыгар бары биир киһи курдук күүс-көмө буолуоҕуҥ, диэн Олохтоох дьаһалта пресс-сулууспата иһитиннэрэр.
Бэлиэтээн эттэххэ, бу саас муус устар ыйыгар Дьокуускай куорат баһылыга Евгений Григорьев уонна Өймөкөөн улууһун баһылыга Александр Оконешников бииргэ үлэлэһии сөбүлэҥин баттаһан тураллар. Сөбүлэҥ туризмы таһынан култуура, үөрэх эйгэлэрин хабар.