Куорат дьаһалтата оҥоһуу өйү хото көмөлөһүннэрэр

Ол курдук, Хотугулуу-Илиҥҥи федеральнай университет көмөтүнэн тэриллэр лабораториялар экономика араас салаатын исписэлиистэрин аныгы технологиянан туһанарга үөрэтэр таһымҥа тахсыбыттар.

Чуолаан, куорат баһылыга Евгений Григорьев ВАРМСУ III Бүтүн Арассыыйатааҕы «Малая родина – сила России» форумугар куорат Олохтоох дьаһалтата ырытыылары оҥорорго, нэһилиэнньэттэн киирэр этиилэри, үҥсүүлэри сааһылыырга, юридическай докумуоннары бэлэмнииргэ аныгы технологиялары хото туһанар буолбут.  Оҥоһуу өй маны сэргэ массыанньыктааһыны утары охсуһууга дьайыылаах инструмент. Инникитин оҥоһуу өй кыаҕын дьэллик ыттара, атын даҕаны дьиэ кыыллара мэнээктээһиннэрин кэтээн көрүүгэ туһанар былаан баар. Уопсастыбаннай тырааныспар, хомунаалынай эйгэ үлэтэ эмиэ оҥоһуу өйгө тирэнэн, нэһилиэнньэҕэ куттал суох буолуутун ситиһэргэ кыһаллыахтара.

Санатар буоллахха, Дьокуускай куоракка тэриллибит оҥоһуу өй лабораторията официальнай тэрилтэнэн биллэр уонна М.К. Аммосов аатынан ХИФУ, Сбербааны, СӨ Бырабыыталыстыбатын кытта ыкса ситимнээхтик үлэлиир, диэн Олохтоох дьаһалта пресс-сулууспата иһитиннэрэр.