Куорат дьаһалтата хас биирдии алдьаммат мас оннугар саҥа олордулларын толкуйдуур

Баһылык Евгений Григорьев Татарстан өрөспүүбүлүкэтигэр сырыытын түмүгүнэн хас биирдии алдьаммыт мас оннугар саҥа маһы олордууну уонна 3 сыл устата ону көрөрү-харайары ирдиир ньыманы толкуйдуурга этии киллэрдэ. «Холобура, Татарстаҥҥа өскөтүн бэдэрээччит күөх үүнээйини алдьаппыт буоллаҕына, бырайыакка киирбититтэн-киирбэтэҕиттэн тутулуга суох, ону толору кээмэйинэн компенсациялыырын ааһан, үс сылга диэри ол үүнээйилэрэ ылсалларын-ылсыбаттарын кэтээн-көрөр эбит. Ылсыбатахтарына сүүнэ ыстарааптаах. Маны барытын муниципальнай сулууспалар хаартыскаҕа түһэриигэ диэри кэтээн көрөллөр», - диэтэ Евгений Григорьев. Онон структурнай салаалар чугастааҕы кэмҥэ туһааннаах нуорма-быраап аактатын бэлэмнээтэхтэри, Куорат дуумата бу сокуону ылыныан сөп.
Хаартыскаҕа: Нижнекамскай баһылыга Радмир Беляев, Казань куорат баһылыга Ильсур Метшин уонна Дьокуускай куорат баһылыга Евгений Григорьев. Бу туһунан @YakutskRF телеграм-ханаал суруйар.