Куорат бэтэрээннэрин хора Кытайтан ситиһии көтөллөнөн кэллэ

Балаҕан ыйын 4-13 күннэригэр Бэйдайхэ курорт оройуонугар (Циньхуандао куорат, КНР) ыытыллыбыт норуоттар икки ардыларынааҕы «Золотая площадь» төрүт култууралар бэстибээллэригэр икки тыһыынчаттан тахса киһи – 80-ча айар кэлэктиип кытынна.

Ыаллыы сытар икки судаарыстыба баай култуураларын киэҥ эйгэҕэ таһаарар, искусство тылынан сомоҕолуур соруктаах тэрээһин түөрт номинацияҕа бастыҥнары быһаарбыт.

Күрэх түмүгүнэн Ю.А. Гагарин аатынан Култуура уонна аныгы искусство киинин иһинэн үлэлиир П.К. Розинская уонна В.Я. Птицын ааттарынан Дьокуускай куорат тыыл уонна үлэ бэтэрээннэрин норуодунай хора (салайааччы Рустам Слепцов) 1-кы истиэпэннээх лауреат буолары ситистэ.

Арассыыйа араас муннуктарыттан барыта балтараа тыһыынча кыттааччы тиийбит. Норуот талааннаахтарын көрдөрөр аһаҕас түһүлгэ көрөөччү биһирэбилин ылбыт.

Бэстибээл чэрчитинэн араас маастар-кылаастар, уран оҥоһуктар дьаарбаҥкалара, норуоттар култуураларын уонна искусстволарын билиһиннэрэр дьоро киэһэлэр ыытыллыбыттар.