Куорат бэтэрээннэрин ХI спартакиадатын кыайыылааҕынан Октябрьскай уокурук буолла

Дьокуускай куорат бэтэрээннэрин ХI спартакиадата быйыл Ийэ дойдуну көмүскээччи уонна Улуу Кыайыы 80 сылларыгар ананна.
Спартакиаданы үөрүүлээхтик арыйыыга баһылыгы солбуйааччы Владимир Аржаков куорат бэтэрээннэрэ уопсастыбаннас биир саамай көхтөөх уонна тутаах күүһэ буоларын бэлиэтээн туран, управаларга туһаайан аҕам саастаахтарга болҕомтолорун хаһааҥҥытааҕар да күүһүрдэллэригэр баҕа санаатын эппитэ.
Быйылгы спартакиадаҕа 13 хамаанданан 340 кэриҥэ бэтэрээн спортсмен саахымакка, дуобакка, бильярдка, остуол тенниһигэр, буулдьанан ытыыга, хабылыкка, хаамыскаҕа, ону таһынан волейболга, ГТО эстафетатыгар кытта күөн көрүстүлэр.
Спартакиада көрүҥнэринэн түмүк:
Саахымат: 1 миэстэ – Октябрьскай уокурук, 2 миэстэ – Центральнай уокурук, 3 миэстэ – Сайсары уокуруга;
Дуобат: 1 миэстэ – Промышленнай уокурук, 2 миэстэ – Губинскай уокурук, 3 миэстэ – Октябрьскай уокурук;
Остуол тенниһэ: 1 миэстэ – Сайсары, 2 миэстэ – Киин уокурук, 3 миэстэ – Хатас;
Буулдьанан ытыы: 1 миэстэ – Автодорожнай уокурук, 2 миэстэ – Хатас, 3 миэстэ – Сайсары;
Бильярд: 1 миэстэ – Сайсары, 2 миэстэ – Гагаринскай уокурук, 3 миэстэ – Автодорожнай уокурук.
Хабылык, хаамыска: 1 миэстэ – Губинскай уокурук, 2 миэстэ – Строительнай, 3 миэстэ – Сайсары;
ГТО эстафетата: 1 миэстэ – Октябрьскай, 2 миэстэ – Центральнай, 3 миэстэ – Строительнай;
Волейбол: 1 миэстэ – Гагаринскай, 2 – Центральнай, 3 – Октябрьскай.
Инньэ гынан уопсай түмүккэ ХI спартакиада кыайыылаахтарынан буоллулар: 
1 миэстэ – Октябрьскай уокурук;
2 миэстэ – Сайсары уокуруга;
3 миэстэ – Центральнй уокурук.
Бары кыттааччылары уонна кыайыылаахтары эҕэрдэлиибит!