Куорат баанньыктарын ханнык тэрилтэ дьаһайарый?

Хаһан тэриллибитэ

Дьокуускай куорат уокуругун «Тэхиньиичэскэй көрүү-истии сулууспата» муниципальнай унитарнай тэрилтэтэ (МУП «СТО») 2000 cc. саҕаланыыларыгар куорат муниципальнай баанньыктарын уонна сөтүөлүүр сирин хаачыстыбалаахтык үлэлэтэр, көрөр-истэр сыаллаах-соруктаах тэриллибитэ.

Салайар эбийиэктэрэ

Куоракка хас да тэрилтэ үлэтин сүрүннүүр. Олор ортолоругар:

Уопсастыбаннай баанньыктар:

Залог баанньыга (Чепалов уул., 21);

Хатас нэһилиэгин баанньыга (Ойуунускай уул. 2);

Тулагы нэһилиэгин баанньыга (Совхознай уул., 1);

202-с түөлбэҕэ баар куорат пляһа.

Баанньык сыаналара

Тэрилтэ салайар муниципальнай баанньыктарыгар сыана 300 солк. саҕалаан 500 солк. тиийэ халбаҥныыр.

Биэнсийэлээхтэргэ, элбэх оҕолоохторго, I-III группалаах инбэлииттэргэ, анал байыаннай дьайыы кыттыылаахтарыгар уонна кинилэр дьиэ кэргэттэригэр, оҕолорго чэпчэтии көрүллэр.

Ону сэргэ сыл бүтүөр диэри «7+1» аахсыйа баар. Усулуобуйата – баанньыкка ахсыс сырыы босхо.

Үлэлиир эрэсиимнэрэ

Муниципальнай баанньыктар олохтоммут графигынан үлэлииллэр:

- Залог баанньыга – бэнидиэнньиктэн баскыһыанньаҕа диэри (сэрэдэ – санитарнай күн, эр дьон сылдьар күннэрэ – оптуорунньук, бээтинсэ, баскыһыанньа); бэнидиэнньиктэн чэппиэргэ диэри сарсыарда 9 чаастан киэһэ 20.00 чааска диэри, бээтинсэттэн баскыһыанньаҕа диэри сарсыарда 9 чаастан киэһэ 21 чааска диэри;

- Хатас нэһилиэгин баанньыга – чэппиэртэн баскыһыанньаҕа диэри сарсыарда 9 чаастан киэһэ 19.00 чааска диэри (эр дьон күннэрэ – чэппиэр, субуота);

- Тулагы нэһилиэгин баанньыга – чэппиэртэн баскыһыанньаҕа диэри сарсыарда 10 чаастан киэһэ 19.30 чааска диэри (эр дьон күннэрэ – чэппиэр, субуота). 

Билсэр төл. +7 (914) 274-10-08