Куорат 2026 сыллааҕы бүддьүөтүн бигэргэттилэр

Ол курдук, 2026 сылга бүддьүөт дохуоттаах чааһа 30 млрд 925 мөл. солк. быһыллыбыт, ороскуот чааһа – 31 млрд 543 мөл. солк., дэписсиит кээмэйэ – 618 мөл. солк. Куорат бүддьүөтэ 22 муниципальнай бырагырааманы үбүлүүр.

Чуолаан 2026 сылга бүддьүөт дохуоттаах чааһын кээмэйэ 2025 сыллааҕар 1,5 млрд солк. кыччаабыт. Ааспыт сылларга курдук киин куорат бүддьүөтэ социальнай хайысхалааҕынан хаалар.

Дьокутааттар Дьокуускай куорат социальнай инфраструктуратын тиһигин сайыннарыыга тутааччы уонна «Дьокуускай куорат” Куорат уокуруга муниципальнай тэриллии бииргэ үлэлэһиилэрин туһунан сөбүлэһиини түһэрсии бэрээдэгин бигэргэтии туһунан» нуорма-быраап аактатын ылыннылар. Бэлиэтээн эттэххэ, инфраструктура сайдыытыгар хомуур бастатан туран 203-с түөлбэҕэ Глобальнай үөрэхтээһин киинигэр салҕааһын тутулларыгар тирэх буолуоҕа.